In most cases, "mouth" in the Bible represents thought and logic, especially the kind of active, concrete thought that is connected with speech. The reason for this is pretty obvious, but it also holds when people, for instance, remove a stone from the mouth of a well, which represents gaining access to spiritual ideas. The mouth is used for eating as well as speaking, of course. In those circumstances, it represents our first, most external perception of a new spiritual idea or desire. This also makes sense, mirroring the way tasting food in the mouth gives us an instant impression of the quality of the food.

6723. ‘Et accepit [sibi] capsam junci’: quod significet vile quo circumcirca, sed usque ex vero derivatum, constat ex significatione ¹ ‘capsae’ seu ‘arculae’ quod sit id quod circumcirca est, seu id in quo aliquid inclusum est, de qua sequitur; et ex significatione ‘junci’ quod sit vile, sed usque a vero derivatum; quod ‘juncus’ sit vile, patet; quod sit a vero derivatum, est quia ‘juncus’ id significat, ut liquet apud Esaiam,

Vae terrae adumbranti alis, quae trans flumina Kuschi, qui mittit in ² mare legatos, et in vasis junci super faciebus aquarum! xviii [1, ] 2; ‘terra adumbrans alis’ pro Ecclesia quae per ratiocinia ex scientificis se obtenebrat; ‘trans flumina Kuschi’ pro ad cognitiones per qua confirmant principia falsa, n. 1164; ‘mittere in ² mare legatos’ pro consulere scientifica, n. 28; in vasis junci super faciebus aquarum pro receptaculis veri vilissimis.

[2] In sensu opposito, apud eundem,

Erit aridus locus in stagnum, et siticulosus in scaturigines aquarum, gramen pro calamo et junco, 35:7;

‘gramen pro calamo et junco’ pro quod erit verum scientificum pro talibus in quibus non aliquid verum datur; quod ‘gramen’ sit verum scientificum, patet a locis ³ in Verbo ubi nominatur.

[3] Quia provisum fuit quod Moses repraesentaret Dominum quoad legem Divinam seu Verbum, in specie quoad Verbum historicum, idcirco factum est, ⁴ cum infans, quod poneretur in capsa seu arcula, sed in vili quia in primo ortu, et quia erat modo repraesentativum quod ibi erat; sed dein ⁵ quod ipsa lex Divina, postquam exsplenduerat e monte Sinai, poneretur in arca, quae Arca Testimonii vocata est; quod intus in arca lex ⁶ Divina posita ⁷ fuerit, videatur Exod 40:20; 1 Reg. 8:9, et quoque quod Libri Mosis, Deut. 31:24-26; 4 ⁸ inde arca sanctissima fuit quia repraesentabat Divinum Humanum Domini ⁹ quoad Divinam Legem; nam a Divino Humano Domini procedit Divina Lex seu Divinum Verum, quod idem est cum Verbo, apud Johannem, In principio erat Verbum, et Verbum erat apud Deum, et Deus erat Verbum; et Verbum caro factum, et habitavit apud nos, et vidimus gloriam Ipsius, gloriam ut Unigeniti a Patre, Joh. 1:1, 14; ¹⁰ et quia arca sanctissimum illud repraesentabat, ponebatur super arcam propitiatorium cum cherubis; et juxta velum ejus candelabrum ¹¹ cum lucernis, et mensa aurea cum panibus, quae bina significabant ‘Divinum Amorem’. Haec nunc causa est quod Moses cum infans, quia repraesentaret legem Divinam, positus fuerit in arcula.

V: