Zawba 14

공부

   

1 “Chanô sapa chyhsa maihta cha noh chyhta dei a hnei, ngiarohna ta a bie thlâh haw.

2 Pawpi hawhta vaw pua ta, uapa ta a y; nohpahlipa hawhta a zaw ta, y ngâthlâh ha vei.

3 Cha hawhpa chyhsa chô liana chata na mo padeipa ta, ryureina liata a hnohta einâ chhi chi tlyma?

4 Hmo pathaih leipa tawhta pathaihpa kheihta e a pua thei tly? Chyhsapa chhao cha pathaih leipa châ tlôh ta.

5 A noh zy cha rao chiehpa châ ta, a thlâzy hra cha na hnohta y ta; khô thei leipa ta râhri na tao hapa cha.

6 a heih sai la, a pahâ theina awpa ta. chatanachata a nohzy cha a hlaopa hawhta a ly theina awpa ta.

7 “Tho cha thlu hra ei sala. achhyh thao heih aw ta, a hna a pathlie heih aw, tahpa hnabeiseina a y.

8 Alei liata a thari cha a tha chhâ hrasala, a thabypa cha alei râhri cha thi hrasala,

9 ti roh ta a chhyh kaw thao aw ta, chicheipa hawhta a chiah a pazawh aw.

10 Châhrasala chyhsapa deikua cha thi ta, pabu ei ta; a thlahpa a pathliepa cha a chhâna châ ta khataih lâ a y haw?

11 Tipo tawhtapa ti cha kua ta, chavah kua ta, a chawhkaraipa hawhna heta.

12 Chyhsa cha thi ei ta, thyu khao veih ei; avâ y hlâ leina chata a hra aw veih ei. amâ môpa pathyupa châ hra aw veih ei.

13 Sheol liana chata na nyu la, na hiehâhna pai hlâ lei cha na nyu thla ha la, na daihti raopa liana cha nâ thei thlâh ha la, na thao mah y.

14 Chyhsapa cha thi sala, hroh heih aw veih mâ? Ei chakaona daihti chhôh zydua liana cha ei cha hâ aw, ei puana a tlôna taihta.

15 Na aw aw chi ta, kei chata ei châ chhy aw; na ku raihriana pasô tlôh chi ta.

16 Châhrasala atahmâ na ta, ei chakâna zy reih chi ta, ei moleina zy a vao thlâh ha leipa chi ta;

17 ei taopasina cha sykhao chhôh liata hraipa ta y ta; ei hmoparaona chhao khu khai haw chi ta.

18 “Tlâhpi tlai chhao cha chopa ta lei ta; a lôpanô chhao a yna tawhta â pasie;

19 tizy chata alôzy patlô ta; tilaipa chata alei tawhtapa buchado siekhei ta; cha hawhna chata chyhsa hnabeiseina na pahlei.

20 Ano chhâzaw ta pahnie chi ta, khô haw ei ta; a hmia panano chi ta, tuah syulyu haw chi ta.

21 A sawchapawpazy ta vaw palyupalih ei ta, châhrasala pahno vei; panawhsapa ta y ta, pahno hlei hra vei.

22 A pôhpa pasana deita pahno ta, ano châ deita ta mâchhie a sa ta,” tah ta.