Puasaina 20

¹ Khazohpa ta he bie zydua he chho ta,

² “Kei, ABEIPA na Khazohpa, Izi râh tawhtapa seichâna tawhta châ chhihthatuhpa ei châ.

³ “Keima leipa ta cha khazoh hropazy rai na hnei awpa châ vei.

⁴ “Nohthlahpa taopa nata hmo a lyupa rai, chô lâ avâ liatahpa tlyma, ry lâ alei liatahpa tlyma, alei ry lâta ti liatahpa tlyma na châta na tao awpa châ vei;

⁵ chazy cha nâ chhy awpa châ leipa ta na chakao awpa châ hra vei; kei ABEIPA na Khazohpa he, Khazohpa hiatlia hmâhpa, pawzy paraona vâta sawzy a hrie tyhpa, nâ haotuhpazy cha chhâ thôhna nata chhâ thôhna nata chhâ palihna taihta a hrie tyhpa nata

⁶ ei kyh na pachâ ta ei biepiepazy a pyhtuhpa sâh hluhpizy chô liata ngiachhiena a palâsa tyhpa ei châ hih.

⁷ “ABEIPA na Khazohpa moh cha khâpa hrao leipa ta hmâ awpa châ vei; ABEIPA chata a moh khâpa hrao leipa ta a hmâhpa cha thai pachâsa tlôh leipa aw ta.

⁸ “Pahânoh he pathaisapa ta a ô awpa a châ tahpa a thei thlâh ha teh.

⁹ Noh charu chhôhta na hria awpa châ ta, na raihria zydua na hria awpa a châ;

¹⁰ a noh sari noh deikua cha ABEIPA na Khazohpa châta pahânoh a châ; cha noh chata khâpa rai hmahta na hria awpa châ vei, nâ chhaota, na sawchapawpa chhaota, na sawchanônô chhaota, na seichapawpa chhaota, na seichanônô chhaota, na sahroh chhaota, na o liata pho hropa chhaota;

¹¹ noh charu chhôhta ABEIPA ta avâ nata aleizy, tlaipi nata a chô liata a ypa zydua cha tao ta, chatawhcha a noh sari noh chata a pahâ tlôh ta; chavâta ABEIPA ta pahânoh cha byhnâ aw ta a pathaisa.

¹² “Na nô nata na paw palyupalih teh, chatanachata ABEIPA na Khazohpa ta râh a cha piepa liana heta na hroh pareih aw.

¹³ “Lianyh na chei awpa châ vei.

¹⁴ “Nâ phei awpa châ vei.

¹⁵ “Na paru awpa châ vei.

¹⁶ “Na vaihzy chô liata pahnosatuhpa pakheipa ta na tao awpa châ vei.

¹⁷ “Na vaihzy chhôhkhazy cha na uava awpa châ leipa ta, na vaihzy lahpinô cha na uava awpa châ vei, a seichapawpa tlyma, a seichanônô tlyma, a viahchao tôhpa tlyma, a alâ tlyma, na vaihzy eih rai cha, khâpahmah na uava awpa châ vei,” tahpa ta.

¹⁸ Chatawhcha zawpi zydua chata tôhkalôhpa zy, dôhla zy, chiahmie pyu zy, tla khu zy cha hmô ei ta, chatawhcha zawpi ta ama hmô nata a chalyu ei ta, lâhlapi ta a duah ei ta,

¹⁹ Mawsi hnohta, “Nâma ta eima hnohta bie tlao reih teh, eima vaw nahthlie aw na; Khazohpa ta la eima hnohta bie reih khao kha se, chata leipa ta la eima thi pathlei aw na,” tah ei ta.

²⁰ Mawsi chata zawpizy hnohta, “Chi kha u, Khazohpa ta a cha pasia ei hih; nama mohmô liata chichhihpa ta a yna he, nama molei lei nawpa ta a châ,” tah ta.

²¹ Zawpizy cha lâhlapi ta a duah thlâh ha ei ta, Mawsi chata Khazohpa yna zohkaluhpa kiapâh cha kei pangai ta.

²² Chatanachata ABEIPA ta Mawsi hnohta, “Izarel pathlazy hnohta, he tana heta reih teh, ‘Nâmo tlaita avâ tawhta bie ei cha vaw chhonazie he pahno haw ei chi ta.

²³ Khazohpa hropa rai cha ei hnohta nama vaw hnei awpa châ vei, tâkâ khazohzy tlyma, ngôh khazohzy tlyma, nâmo châta nama tao awpa châ vei.

²⁴ Kei châta alei maisâh na tao awpa a châ, cha liana chata na mietahkupazy nata na viahchaozy cha na raona atheihna ta zy, na aryhna atheihna châta zy, na hlâ tyh awpa a châ; su to liata ei mo ei pahnosana maih liana chata na hnohta a vy tyh aw na ta, byhnâ ei cha aw pa tyh aw na ta, byhnâ ei cha aw pa tyh aw.

²⁵ Chatawhcha alô maisâh eina taopa awpa chi khiahtala, alô daipa ta na tao awpa châ vei; na chaihrai cha na hmâh pathlei ha khiahtala na papuapa châ tlôh aw ta.

²⁶ Ei maisâh kiana kahmizy liana chata na kiah awpa châ vei, thluahruapa ta na ypa â lâ lei nawpa ta.