1 Thatihzy Rona 11

공부

   

1 Chatanachata Izarel sahlao zydua chata Hebraw liata Davi lâta a pahmaohpakhy ei ta, “Na rupa nata na sapa zy châ pi ta.

2 Cha hlâta Sawla a bei nona khata Izarelzy a chhihthapa ta a puakheituhpa nata a ngiakheituhpa châ chi ta; ABEIPA na Khazohpa ta na hnohta, ‘Ei chyhsa Izarelzy cha pasa aw chi ta, ei chyhsa Izarelzy chô liata hyutuhpa ta na y aw,’ a cha tah,” tah ei ta.

3 Chatanachata Izarel sahlao machâ zydua cha Hebraw liata abeipa lâta sie ei ta; Davi ta Hebraw liata ABEIPA hmiakô liata ama hnohta bie hraih ta, ABEIPA ta Samuel hmâpa ta a reipa hawhna khata Davi cha Izarelzy abei châta sathaw thu haw ei ta.

4 Davi nata Izarel sahlao zydua cha Zerusale lâta sie ei ta, cha cha Zebu a châ; cha liana chata cha râh liata chyhsa Zebu mozy cha y ei ta.

5 Zebu liata a ypa sahlaozy chata Davi hnohta, “He liana heta a vaw ngia chacheita aw va chi,” tah ei ta. Châhrasala Davi chata Zaio kuh cha a la hawpa rai châ ta, cha cha Davi khih tahpa châ haw ta.

6 Davi ta, “Ahyrai Zebu sahlao adyuhtuhpa maih cha pheisaih hyutuh chaipa ta a y aw,” tah ta. Zeruia sawchapawpa Zôaba cha khy tua ta, hyutuh chaipa ta tao haw ei ta.

7 Davi cha kuh liana chata pahrâ haw ta; chavâta Davi khihpi ama tah.

8 Chatawhcha Milô tawhta khihpi chheipâh kuh cha tao pathi ta; Zôaba ta khihpi chhôh tao pathi ta.

9 Chatanachata Davi cha vaw rôhnah via ngâ ta, Pheisaihzy ABEIPA cha a hnohta a ypa vâta.

10 Hezy he Davi pheisaih riahphapa, Izarel zydua hnohta adyuhpa ta, Izarel kyh liata ABEIPA ta a reipa hawhta abei ta tao awpa ta a khihnarâh a duakheituhpa riahpha ngaitapazy cha ama châ.

11 Hezy he pheisaih riahphapa Davi hnohta a ypazy ama châ: Hakamôni chyhsa sawchapawpa Zasôbia sythôh hlao hyutuhpa; za thôh chô liata a sei pahie ta ei khata a thietuhpa cha.

12 Chatawhcha a pazipa cha Ahô chyhsa Dôdô sawchapawpa Eliaza pheisaih riahphapa pathôhzy hry liata pakhapa kha.

13 Ano cha bali sâh yna, Philistina mozy adyuh awpa ta apahmaohpakhyna su Pasdami liana khata Davi hmiakô liana chata a râpai haw ei ta.

14 Châhrasala âmo cha cha su liana chata a duah ei ta,khâchâ vaih ei ta, Philistina mozy cha thie ei ta; ABEIPA ta rôhnah ngaitapa ta tiahpa pata pachha ta.

15 Pheisaih sythôh hry liata riahphapa pathôhzy cha lôpanô lâta Adula lôpu lâna chata Davi hnohta zu ei ta, Philistina pheisaih sahlao chata Rephai saikao liata riehmo tao ei ta.

16 Cha nona chata Davi cha kuh liata y ta; cha nona chata Philistina pheisaih sahlao cha Bethlehe liata y ei ta.

17 Davi chata, “Bethlehe liata tikhaorei ti kuh ochhi kiapâh liatahpa kha do awpa ta na piepa ama y mawh sala!” tah ta byuh ngaita ta.

18 Chatawhcha pathôhzy chata Philistina pheisaih sahlao cha chatôh pathlapa ta kuh ochhi kiapâh liatahpa Bethlehe liata tikhaorei ti cha kei thaih ei ta, Davi lâta vaw cheih ei ta. Châhrasala Davi chata doh khoh leipa ta; ABEIPA chata patlai ta,

19 “He he ei doh lei awpa zie cha, hezy thi ngâhpa ta â piepa sahlaozy thisaih cha ei doh aw mâ? Thi ngâhpa ta a piepa ta ama vaw cheipa châ tlôh ta,” tah ta. Chatanachata doh khoh leipa ta. Chyhsa riahphapa pathôhzy chata cha hawhna chata tao ei ta.

20 Chatawhcha Zôaba unawhpa Abisai cha pathôhzy hry liata hyutuh chaipa châ ta. Chyhsa za thôhzy chô liata a sei pahieh ta, âmo cha a thiepa vâta pathôhzy hry liata mo phana hlao ta.

21 Pathôhzy hry liata pano hlâna chata ano cha palyupalih tlâh châ ta, ama hyutuhpa ta tao ei ta; pathôh hmia tuapazy hry liana deikua cha a hlao vei.

22 Kabzel chyhsa riahphapa hmo thata a taotuhpa Zehôiada sawchapawpa Benai chata Môaba chyhsa riahphapa pano cha thie ta. Chatawhcha zu ta, dâhaw tla daihti nota khaohtlôpa liata chakeibarôhneipa za thie hra ta.

23 Izi chyhsa pôh pahreihpa dy pangawh a sâhpa thie ta. Cha Izi chyhsa chata asei laipapi thai a satuhpa thaiphia hawhpa he chaba ta; ano chata chôhchahrei nata za pangai ta, Izi chyhsa asei cha chhu ta, ano asei ta dysao haw ta.

24 Zehôiada sawchapawpa Benai chata cha hawhna chata tao ta, pheisaih riahphapa pathôhzy hry liata mo phana hlao ta.

25 Chyhsa sythôhzy hlâta cha palyupalih tlâh châ ta, pathôhpa hmia tuapazy hry liata deikua cha a hlao vei, Davi chata a vaihtuhpa hlao hyutuhpa ta soh ta.

26 Pheisaihzy hry liatahpa riahphapa Zôaba unawhpa Asahel zy, Bethlehe khihpa Dôdô sawchapawpa Elhana zy,

27 Harawda chyhsa Shamô zy, Pelôni chyhsa Heleza zy,

28 Tekôa chyhsa Ikesa sawchapawpa Ira zy, Anathô chyhsa Abiaza,

29 Husa chyhsa Sibekai zy, Ahô chyhsa Ilai zy.

30 ‘Netôpha chyhsa Makarai zy, Netôpha chyhsa Banah sawchapawpa Heleda zy.

31 Benzami pathla Kibia khihpa Ribai sawchapawpa Ithai zy, Pirathô chyhsa Benai zy,

32 Kasa vatie liatahpa Hurei zy. Araba chyhpa Abiel zy.

33 Baharu chyhsa Azamave zy, Shaalbaw chyhsa Eliaba zy,

34 Kizô chyhsa Hashe sawchapawpa zy, Ilara chyhsa Shaki sawchapawpa Zawnaiha zy,

35 Hara chyhsa Shaki sawchapawpa Ahia zy, Ura sawchapawpa Elipha zy.

36 Mekhera chyhsa Hepha zy, Peloni chyhsa Ahizah zy,

37 Kamel chyhsa Hezrôna zy, Ezbai sawchapawpa Narai zy,

38 Natha unawhpa Zôel, zy, Hakri sawchapawpa Vlibha zy,

39 Amawna chyhsa Zeleka zy, Zeruia sawchapawpa Zôaba chariah chhaichhi a chabatuhpa Berôtha chyhsa Kareba zy,

41 Hiti chyhsa Uriah zy, Ahilai sawchapawpa Zaba zy,

42 Rubena chyhsa Shiza sawchapawpa Adina, Rubena mozy hry liata hyutuhpa ano hnohta chyhsa sythôhzy chhao,

43 Maaka sawchapawpa Hana zy, Mithani chyhsa Zôsapha zy,

44 Astarô chyhsa Uziah zy, Arôera chyhsa Hôtha sawchapawpa Shama nata Zeiel zy,

45 Shimri sawchapawpa Zediael zy, a unawhpa Tizi chyhsa Zôha zy,

46 vlahavi chyhsa Eliel zy, Elna sawchapawpa Zeribai nata Zôsaviah zy, Môaba chyhsa Ithamah zy,

47 Mezôba chyhsa Eliel zy, Ôbeda zy, Zasiel zy chhao.