Athaona 9

¹ Chatawhcha Khazohpa ta Naw nata a sawchapawzy cha byhnâ awpa ta, ama hnohta, “Chi pathlapa ta pôh ula, alei he bie teh u.

² Nama rarôh yna nata china alei liata, sa to nata a ruapa liata a zawpa pavaw to ta ama hnei aw, chazy nata alei liata a zawpa pavaw to ta ama hnei aw, chazy nata alei liata alyh thaipa zydua nata tilaipi nga zydua cha; nama ku liata piepa a châ khai haw.

³ Hmo hroh hneipa â pie theipa to cha nama châta nie awpa châ aw ta;âhnalasizy ei cha piepa hawhna khata, ato ei cha pie ei.

⁴ Anodeikua cha sa a hrona, a thisaih chhaota nama nie awpa châ vei.

⁵ nama hrona thisaih phu cha ei la tlai aw; sa to liata ei la aw, chyhsapa liata chhao; chyhsa to ama uhnawhpazy liana chata chyhsapa hrona phu cha ei la chyu aw.

⁶ Ahyrai chyhsapa thisaih a palotuhpa cha, chyhsapa lilawh ta a thisaih cha a palosa hra aw; Khazohpa ta chyhsapa cha ano kakuapa ta tao tlôh ta.

⁷ Chatawhcha nâmo cha, chi pathlapa ta vaw pôh ula, alei liana heta saw hluhpi sa ula, alei chô liana heta vaw pôh teh u,” tah ta.

⁸ Chatawhcha Khazohpa ta Naw hnohta nata a hnohta a ypa a sawchapawpazy hnohna chata,

⁹ “Pachâ teh u, keima tlaita nama hnohta nata nama hnôh lâta nama pathlazy hnohta chhao ei biehraina cha ei pa-i.

¹⁰ nama hnohta hmo hroh hneipa to a ypa nama y lâhpa, pavawzy, sahrohzy, nata alei liata sa to nama hnohta a ypazy nata balyh tawhta a vaw puapa zydua lâ chhao taihta.

¹¹ Nama o ta ei biehraina cha ei pa-isa aw, tipa-ua ta sapa zydua cha pahleipadia heih khao leipa aw ta, alei parao awpata tipa-ua vaw y heih khao aw vei, tahpata tahta"

¹² Chatawhcha Khazohpa ta, “He he kei nata nâmo nata nama hnohta hmo hroh hneipa a ypa zydua likawh ta, ama chhâ zydua chhôh liata ei biehraina pahnosana cha a châ.

¹³ Meihdo liata ei meisaku paysa na ta, cha cha kei nata alei likawhta ei biehraina ngiana a châ aw.

¹⁴ Alei chô liata ameih ei paysa nona chata meihdo liata ei meisaku cha a vaw luah aw ta.

¹⁵ kei nata nâmo nata sapa zydua hry liatahpa hmo hroh hneipa to likawhta ei biehraina ei thei thlâh ha aw; chatanachata tizy chata sapa zydua pahleipadia awpa ta vaw y heih chacheita khao aw vei.

¹⁶ Meisaku cha meihso liata y aw ta, chatanachata moh aw na ta Khazohpa nata hmo hroh hneipa to alei chôta a ypa maih likawhta chhâzaw biehraina a ypa cha ei thei thlâh ha aw,” tah ta.

¹⁷ Chatawhcha Khazohpa ta Naw hnohta, “He he kei nata alei chôta sapa to likawhta ei biehrai pa-ina pahnona a châ,” tah ta.

¹⁸ Naw sawchapawpazy balyh tawhta a puapa cha. Sema nata Hama nata Zaphetha ama châ. Hama cha Kana paw a châ.

¹⁹ He pathôhpazy he Naw sawchapawpazy cha ama châ; hezy tawhta a puapa chata alei zydua cha ama pahrâ khai haw.

²⁰ Naw cha lyu a taotuhpa ta y pathao ta, kre sahdô tao ta;

²¹ Kresawti doh ta, pari ta, chatanachata a poh-o liana chata a zia ta.

²² Chatawhcha Hama, Kana paw chata a paw a zia pahrupa cha hmô haw ta, khôtho lâta a uhnawhpa panozy cha chho ta.

²³ Chatanachata Sema nata Zaphetha chata poh la ei ta, ama ngiatlâh liata paraipa ta ama hnôh lâta a sy ei ta, ama paw zia pahrupa cha khu ei ta; a hro lâ a heih ei ta, ama paw a zia pahrupa cha hmô leipa ei ta.

²⁴ Chatawhcha Naw cha a kresawti paripa cha a kaw thei ta, a sawchapaw seihnai chaipa ta ano chô liata a taonazie cha pahno haw ta.

²⁵ ano chata,“Kana cha chhiesapa ta y mawh sy;A uhnawhpazy seizy sei a châ aw.”tah ta.

²⁶ “ABEIPA, Sema Khazohpa cha palyupalih ta y se; Kana cha a sei ta y maw sy.

²⁷ Khazohpa ta Zephatha cha palai sala, Sema poh-ozy liana chata pahrâ mawh sy; Kana cha a sei ta y mawh sy,”tah ta.

²⁸ Naw cha tipa-ua hnôh lâta kô za thôh nata sypangawh hroh ta.

²⁹ A hro chhôh zydua cha kô za chaki nata sypangawh châ ta; chatawhcha thi haw ta.