Ryhpachaneina 2

¹ Chatawhcha a pasie pi ta, ABEIPA ta ei hnohta a reipa hawhta, Tilaipi Saihpa lâta râhpathohpa liata angia pi ta; Seira Tlâh cha bohpi chahlô pi ta.

² ABEIPA chata na chho ta.

³ ‘He tlâh he bohpi nama chahlô ha na; maw lâ pangaipa ta a pasie teh u.

⁴ Zawpizy hnohta Seira liata a ypa, Esaw pathla nama unawhpazy râh liata nama sie pahlie aw; âmo chata cha vaw chi aw ei ta. Chavâta a sohsi kaw ula.

⁵ a dyuh khah u; ama râh cha a kheihawhpa liata hmahta pheipazah ta tlyna khi dâhdei chhao cha pie aw veih ei na, Seira cha hnei awpa ta Esaw ei pie haw.

⁶ Ama niepazy cha nama nie awpa ta sôh ta chalei aw eichi ta, ama tizy nama doh awpa ta sôh ta nama chalei hra awpa a châ.

⁷ ABEIPA nama Khazohpa chata nama hriapa maih liata zy byhnâ cha pie tyh ei ta; he râhpathohpa kawh ngaitapa he nama sie pahlienazie zy cha pahno tlôh ta; he kô sypalih chhôh zydua heta, ABEIPA cha nama hnohta y ta; khâpahmah ta namâ phahla leipa kha,’ tahpa ta bie pie teh, tahpa ta.

⁸ Chatanachata Elatha nata Eziôkeba tawhta Arabah lâta lâpi lâta siepa ta Seira liata a ypa Esaw pathla eima unawhpazy râh khô pi ta.“Chatawhcha apasie pi ta, Môaba râhpathohpa lâta sie pi ta.

⁹ ABEIPA ta ei hnohta, ‘Môaba mo cha patypamâ khah u, adyuh khah u, ama râh cha nama châta cha pie aw veih ei na, Lawta pathlazy chata hnei awpa ta Ar cha ei pie haw’.

¹⁰ Hmialâta cha Anaki mo hawhta chyhsa pahreihpa nata a hluhpa nata dohseihpapi Emi sahlao y tyh ei ta.

¹¹ cha sahlao chhao cha Anaki mo hawhna hra ta Rephai sahlao tahpa châ ei ta, châhrasala Môaba mo chata Emi mo tah tyh ei ta.

¹² Hmialâta cha Seira liana heta Hawri mo chhao y tyh hra ei ta, Esaw pathlazy heta pahrâ pa ei ta, thie ei ta, ama su liana chata y haw ei ta; Izarel mo ta ABEIPA ta ama châta a piepa râh ama taopa hawhna khata.

¹³ Thyu ula, Zereda chavah cha chaka teh u,’ tah ta. Chatanachata Zereda chavah cha chaka haw pi ta.

¹⁴ Kadesabania tawhta eima puapa nata Zereda chavah eima chakana likawh ta, ABEIPA ta ama hnohta chhie a sapa hawhta zawpi hry liata, cha chhâ liata chariah adyuhpa chyhsa zydua ama thie khaina likawh cha kô sythôh nata kô charie a châ.

¹⁵ Zawpi hry tawhtapa ama leidia khai hlâ lei cha âmo pahleipadia awpa ta ABEIPA ku ta adyuh ngâthlâh ha hra ta.

¹⁶ Cha hawhta zawpi hry tawhtapa chariah adyuhpa chyhsa zydua leidiapa ta ama thie khai tawhna chata.

¹⁷ ABEIPA ta na chho ta,

¹⁸ ‘Atanoh he Môaba râhri Ar cha na sie palâh awpa châ ta.

¹⁹ Amawna pathlazy ria-aipa a hniapa ta na kei tlô no chhaota patypamâ leipa la, adyuh hra khâ, Amawna mo râh cha na châta cha pie aw va na, Lawta pathla châta ei pie haw.

²⁰ Cha chhao cha Rephai mo râh ta pachâpa a châ hra; cha liana chata hmialâta Rephai mo ama y tyh. Amawna mo deikua chata Zazumi mo ama tah tyh.

²¹ Anaki mo hawhta chyhsa pahreihpa nata hluhpa nata doseihpapi châ ei ta; châhrasala ABEIPA ta pahleipadia pa ta; tlao pahrâ ei ta, ama su liana chata y haw ei ta.

²² Seira liata a ypa Esaw pathlazy cha Hawri mo a pahleipadia pa nota a taopa hawhna khata, chatanachata tlao pahrâ ei ta, ama su liana chata atahmâ taih heta y haw ei ta.

²³ Kaza taihta khih chyhpa ta liata a ypa Avima mo cha Kafataw tawhta a vaw puapa Kafataw mo ta pahleipadia ei ta, ama su liana chata y haw ei ta..

²⁴ Thyu ula, pua ula, Arnaw saikao chaka teh u; moh teh u, Amawri chyhsa Hesbaw beipa Sihaw nata a râh cha nama ku liata ei cha pie haw ei; hnei pathao ula, chariah hawhta adyuh teh u.

²⁵ Atanoh he avâ ry zydua liata photo chô liata nama china nata thlahzona paysa pathao aw na ta, na thâtih vaw thei aw ei ta, a chalyu aw ei ta, nâma vâta pasa ngaitapa ta taopa ta ama y aw,’ tahpa ta.

²⁶ Kedemo râhpathohpa tawhta Hesbaw beipa Sihaw hnohta adyhna bie cheipa ta chyhsa tuah na ta.

²⁷ Na râh liana heta sie palahpa ta na pasai teh; lâlai lymâ liata sie aw na ta, chachâh lâ tlyma, chavei lâ tlyma chhao tlei aw va na.

²⁸ Ei nie awpa châta niepa a chalei ta sôh ta na chaleisa aw chi ta, ei do awpa ta ti chhao sôh ta na chaleisa hra aw chi ta.

²⁹ Zawdâh chakapa ta ABEIPA eima Khazohpa ta maniah a piepa râh ei ngia hlâ lei cha Seira liata a ypa Esaw pathlazy nata Ar liata a ypa Môaba mozy eina tahpa hawhna khata, sie palâhpa ta na pasai teh,’ tahpa ta.

³⁰ Châhrasala Hesbaw beipa Sihaw chata a râh liata sie palâh awpa ta maniah pasai leipa ta; ABEIPA nama Khazohpa chata nama ku liata a cha pie thei nawpa ta a palôhrupa kuh pachhasa ta, chhôhrupa ta tao ta, nama pahno hawpa hawhna heta.

³¹ ABEIPA ta ei hnohta, ‘Pachâ teh, Sihaw nata a râh cha ei cha pie aw, a râh cha hnei awpa ta pahrâ pathao teh,’ na tah ta.

³² Sihaw nata a chyhsa zydua cha Zaha liata maniah adyuh awpa ta vaw pua ei ta.

³³ ABEIPA eima Khazohpa chata thatlôna maniah pie ta; chatanachata ano nata a sawchapawpazy nata a chyhsa zydua cha thie pi ta.

³⁴ Cha nona chata a khih zydua cha la pi ta, cha khihzy liata chyhsa zydua cha chanô nata ama sawnawh chyhpa tazy chhao taih pahleipadia khai pi ta; pahlôhpa rai hnei ma pi.

³⁵ eima lapa khih liata hraona ta, eima lapa hmo nata sahrohzy deita eima châta eima la.

³⁶ Arnaw saikao kiah liata Arôera tawhta nata saikao liata khih a ypa tawhta Kilia taihta eima châta a sâh tupa khih y chacheita leipa ta; ABEIPA eima Khazohpa ta eima ku liata maniah a pie khai aw.

³⁷ Amawna pathlazy râh dei namâ hnia leipa a châ, Zabaw chavah hiakha lâ ngiakâh zydua nata tlâh râh liata khihzy nata ABEIPA eima Khazohpa ta bie maniah a piepa maihzy cha.