Malureina 2

勉強

   

1 ABEIPA ta Mawsi nata Arawna chho ta.

2 Izarel pathlazy chata ama chhôhkha pahnonazy chaluah chyupa ta ama sahlao pahnosana kiapâh ta ama poh-o ama rai awpa a châ; ahmaohpakhyna poh-o chheipâh ta a chadôpa ta ama rai awpa a châ.

3 Noh vaw chhina nochhi lâchhâh ta ama sahlao hluhna yzie lymâ ta poh-o rai awpazy cha Zudah pahnosana liatahpa sahlao châ aw ei ta, Zudah pathlazy chhihthatuh awpa cha Aminada sawchapawpa Nashona a châ aw.

4 a sahlaozy hluhna lâ cha thy sari nata sâh palih nata za charu ama châ.

5 A pazipa ta poh-o rai awpazy cha Iskara chi ama châ aw, Iskara pathlazy chhihthatuh awpa cha Zuara sawchapawpa Nethanel a châ aw.

6 a sahlaozy hluhna lâ cha thy pangawh nata sâh palih nata za palih ama châ.

7 Zebulawna pathlazy chhihthatuh awpa cha, Helawna sawchapawpa Eliaba a châ aw.

8 a sahlaozy hluhna lâ cha thy pangawh nata sâh sari nata za palih ama châ.

9 Ama sahlao hluhnazie ta Zudah sahlao ama reipazy cha, thy sykha nata thy charie nata sâh charu nata za palih ama châ. Âmo sahlao heta hmia amâ sah lymâ awpa a châ.

10 Ama sahlao hluhnazie lymâ ta chho lâchhâh ta Rubena pahnosana liatahpa sahlao cha y aw ei ta, Rubena pathla chhihthatuh awpa cha Shedia sawchapawpa Elizua a châ aw.

11 a sahlaozy hluhna lâ cha thy palih nata sâh charu nata za pangawh ama châ.

12 Chatawhcha a pazipata poh-o a rai awpa cha Simeona chi ama châ aw. Simeona pathlazy chhihthatuh awpa cha Zurishadai sawchapawpa Shelumiel a châ aw.

13 a sahlaozy hluhna lâ cha thy pangawh nata sâh chaki nata za thôh ama châ.

14 Kada chizy, Kada pathlazy chhihthatuh awpa cha Reuel sawchapawpa Eliasa a châ aw.

15 a sahlaozy hluhna lâ cha, thy palih nata sâh pangawh nata za charu nata sypangawh ama châ.

16 Rubena sahlao hluhnazie cha thy sykha nata thy pangawh nata sâh kha nata za palih nata sypangawh ama châ. Âmo he a pazipa ta a pua awpa ama châ.

17 Chatanachata ahmaohpakhyna poh-o cha pasie aw ta, Livai sahlao cha a liah liata y aw ei ta; ama yna yzie lymâ hawhta, a py py ta pahnosana hawhta ama sie chyupa a châ.

18 Ama py hluhnazie lymâ hawhta notla lâchhâh Ephrai pahnosana liatahpa sahlao cha y aw ei ta; Ephrai pathlazy chhihthatuh awpa cha Amihu sawchapawpa Elisama a châ aw.

19 a py hluhna lâ cha thy palih nata za pangawh ama châ.

20 Chatawhcha a pazipa ta Manase chi ama châ aw, Manase pathlazy chhihthatuh awpa cha, Pedazu sawchapawpa Kamaliel a châ aw.

21 a py hluhna lâ cha thy thôh nata sâh no nata za no ama châ.

22 Chatawhcha a pazi heihpa ta Benzami chizy, Benzami pathlazy chhihthatuh awpa cha, Kidioni sawchapawpa Abidana a châ aw.

23 a py hluhna lâ cha thy thôh nata sâh pangawh nata za palih ama châ.

24 Ephrai sahlao hluhna lâ cha thy sykha nata sâh charie nata za kha ama châ. A pazietuhpa pazi heihpa liana chata ama pua awpa a châ.

25 “Ama py hluhnazie lymâ hawhta Dana pahnosana liatahpa sahlao cha maw lâchhâh ta y aw ei ta, Dana pathlazy chhihthatuh awpa cha, Amishadai sawchapawpa Ahieza a châ aw.

26 a py hluhna lâ cha thy charu nata sâh no nata za sari ama châ.

27 Chatawhcha a pazipa ta poh-o parai awpa ta Asera chi ama châ aw, Asera pathlazy chhihthatuh awpa cha Okra sawchapawpa Pakiel a châ aw.

28 a py hluhna lâ cha thy palih nata sâh kha nata za pangawh ama châ.

29 Chatawhcha a pazi heihpa ta Nathalai chizy, Nathalai pathlazy chhihthatuh awpa cha Ena sawchapawpa Ahira a châ aw.

30 a py hluhna lâ cha thy pangawh nata sâh thôh nata za palih ama châ.

31 Dana sahlao hluhna lâ cha thy sykha nata thy pangawh nata sâh sari nata za charu ama châ. Âmo sahlao heta a py py ta pahnosana hawhta puapa ta hnôh chai ta ama pua aw.

32 Hezy he Izarel pathlazy chhôhkha to ta, ama reipazy cha ama châ; amâ riehmo liata, a py py ta, ama hluhna lâ, thy sycharu nata sâh thôh nata za pangawh nata sypangawh ama châ.

33 Livai sahlao deikua cha Izarel pathlazy hry liata reipa châ veih ei, ABEIPA ta Mawsi bie a piepa hawhna khata.

34 Cha hawhna chata Izarel pathlazy cha tao ei ta, ABEIPA ta Mawsi bie a piepa lymâ hawhta, a py py ta pahnosana liatahpa poh-o parai ei ta, cha hawhna hra chata a chi chi ta, chhôhkhazy lymâ hawhta pua tyh ei ta.