Zawsua 19

¹ Pachaopa ei nona cha Simeôna chôta, Simeôna pathlazy pho chô liata ama chhôhkha yzie lymâ hawhta tlu heih ta: ama tovyuh cha Zudah pathlazy tovyuh hry liata â hlao hra.

² Ama tovyuh ta a tlupa zy cha Besheba (Sheba tlyma) zy, Môladah zy,

³ Hazasual zy, Balah zy, Ezema zy,

⁴ Eltôla zy, Bethul zy, Hômah zy,

⁵ Zikla zy, Bemakabô zy, Hazasusa zy,

⁶ Bethlebô zy, Sharuhe zy khihpi miahrawhleithôh nata a khichapeizy chhaota;

⁷ Enrimaw zy, Ethera zy, Asana zy khihpi miapalih nata a khihchapeizy chhaota;

⁸ cha khihpi chheipâh liata khichapei zydua Balabe, Neke Ramah taihta. Chazy cha Simeôna pathlazy pho ama chhôhkha yzie lymâ hawhta ama tovyuh ta raopa cha a châ.

⁹ Simeôna pathlazy tovyuh cha Zudah pathlazy topa hry liatahpa a châ; Zudah pathlazy tovyuh cha ama châta kawh tu ha tlôh ta, chavâta Simeôna pathlazy tovyuh cha ama topa hry liata â hlao hra.

¹⁰ Pachaopa ei thôhna cha Zebulawna pathlazy chô liata, ama chhôhkha yzie lymâ hawhta tlu heih ta. Chatawhcha ama tovyuh râhri cha Sarida taihta a châ.

¹¹ Chatawhcha ama râhri cha notla lâchhâh ta Marial taih tlaita sie lymâ ta, Dabese kei tlô ta, chatawhcha Zôknia kiapâh liata vatie kei tlô ta;

¹² Sarida tawhta nochhi lâchhâh nohchhina lâta Kilôbaw râhri taihta kaw padô ta; Dabera lâta pua ta, chatawhcha Zaphia lâta khy heih ta;

¹³ cha tawhna chata nochhi lâchhâh ta Kahepha nata Ekazi lâta sie lymâ ta, Niah lâ pangaipa ta Rimaw lâta pua ta;

¹⁴ chatawhcha râhri cha mawlâ ta Hanathô lâta pakoh heih ta, a puana cha Iphatahel saikao lâta a châ;

¹⁵ chatawhcha Kata zy, Nahala zy, Shirôma zy, Idalah zy, Bethlehe zy; khihpi miahrawhleino nata a khih chheipâh zy chhaota.

¹⁶ Chazy cha Zebulawna pathlazy ama chhôhkha yzie lymâ hawhta, ama tovyuh ta raopa cha a châ, cha khihpi zy nata a khih chheipâh zy cha.

¹⁷ Pachaopa ei palihna cha Iskara chô liata, Iskara pathlazy chô liata ama chhôhkha yzie lymâ hawhta tlu heih ta.

¹⁸ A râhri rakha cha Zezrel zy, Kesulô zy, Shune zy,

¹⁹ Haphari zy, Shiôna zy, Anahara zy,

²⁰ Rabi zy, Kishiôna zy,

²¹ Reme zy, Enkani zy, Enhadah zy, Bethapaze zy taihta a châ;

²² râhri chata Tabaw zy, Shahzumah zy, Beseme zy kei tlô ta, râhri puana cha Zawdâh liata a châ: khihpi miahrawhleicharu nata a khih chheipâh zy chhaota.

²³ Chazy cha Iskara pathlazy pho chhôhkha yzie lymâ hawhta ama tovyuh ta raopa cha a châ, khihpi zy nata a khih chheipâh zy cha.

²⁴ Pachaopa ei pangawhna cha Asera pathlazy pho chô liata, ama chhôhkha yzie lymâ hawhta tlu heih ta.

²⁵ A râhri rakha cha Helkatha zy, Hali zy, Bete zy, Aksha, zy

²⁶ Alamele zy, Amada zy, Misal zy a châ; notla lâchhâh ta Kamel nata Shihôlina za tlô ta,

²⁷ chatawhcha nohchhina lâchhâh ta Bedekô lâta khy ta, chatawhcha Zebulawna nata maw lâchhâh ta Iphatahel saikao lâta Betheme nata Neiel kei tlô ta; chatawhcha chavei lâchhâh tâ Kabu zy,

²⁸ Hebraw zy, Rehô zy, Hamô zy, Kamah zy, Sidaw rôhnahpa taih tlai ta sie lymâ ta;

²⁹ chatawhcha râhri cha Ramah lâta nata Tyre khihpi kuh a hneipa lâta padô ta; râhri cha Hôsa lâta padô lymâ ta, a puana cha Akazi râh tilaipi liata a châ;

³⁰ Umah zy, Aphe zy, Rehô zy; khihpi syno nata miano nata a khih chheipâh zy chhao ta.

³¹ Chazy cha Asera pathlazy pho ama chhôhkha yzie lymâ hawhta ama tovyuh cha a châ, cha khihpi zy nata a khih chheipâh zy cha.

³² Pachaopa ei charuna cha Nathalai pathla chô liata, ama chhôhkha yzie lymâ hawh hra ta, Nathalai pathlazy chô liata tlu heih ta.

³³ A râhri rakha cha Helepha tawhta zy, Zanani liata oaka tho tawhta zy, Zaanani nata Zabnel tawhta zy ta Laku taih a châ; a puana cha Zawdâh liata a châ;

³⁴ chatawhcha râhri cha notla lâchhâh ta Aznôtabaw lâta chô ta, cha tawhta Hôkô lâta sie ta, chho lâta Zebulawna kei tlô ta, notla lâta Asera kei tlô ta, chatawhcha nochhi lâta Zudah râh liata Zawdâh kei tlô ta.

³⁵ Khihpi kuh a hneipa zy cha Zidi zy, Zera zy, Hama zy, Raka zy, Chinere zy,

³⁶ Adamah zy, Ramah zy, Hazaw zy,

³⁷ Kedesa zy, Edrei zy, Enhazaw zy,

³⁸ Iraw zy, Mikadalel zy, Hôre zy, Beseme zy a châ: khihpi miahrawhleichaki nata a khih chheipâh zy chhao ta.

³⁹ Chazy cha Nathalai pathlazy pho ama chhôhkha yzie lymâ hawhta ama tovyuh cha a châ, khihpi zy nata a khih chheipâh zy chhao ta.

⁴⁰ Pachaopa ei sarina cha Dana pathlazy chô liata, ama chhôhkha yzie lymâ hawhta tlu ta.

⁴¹ Chatawhcha ama tovyuh râhri cha Zorah zy, Estawl zy, Irseme zy,

⁴² Shalabi zy, Aizalô zy, Zethalah zy,

⁴³ Elaw zy, Timnah zy, Ekraw zy,

⁴⁴ Elteke zy, Kibethaw zy, Balatha zy,

⁴⁵ Zehudi zy, Benebera zy, Katharimaw zy,

⁴⁶ Mezarkô zy, Rakaw zy, Zôpa daih lâ râh zy chhaota a châ.

⁴⁷ Dana pathlazy râhri châta chazy cha a kei khô, Dana pathlazy chata Lese adyuh ei ta, la ei ta, zaozi ta pahleipadia ei ta, ama hnei haw, cha liana chata ama ypâ haw, ama mahpaw Dana moh paphaopa ta Lese cha Dana ama tah.

⁴⁸ Chazy cha Dana pathlazy pho ama chhôhkha yzie lymâ hawhta ama tovyuh cha a châ, cha khihpi zy nata a khih chheipâh zy chhao ta.

⁴⁹ Ama tovyuh châta râhri taopa lymâ haw ta, râh cha rai khai haw ei ta, chatanachata Izarel pathlazy chata Nuna sawchapawpa Zawsua cha ama hry liata tovyuh taopa ei ta.

⁵⁰ ABEIPA biepiepa hawhta Ephrai tlâh râh liata a khihpi hiapa Timna serah khih tlai cha pie ei ta; khihpi cha tao ta, cha liana chata y haw ta.

⁵¹ Chazy cha theihthaipa Eliaza zy, Nuna sawchapawpa Zawsua zy nata Izarel pathlazy pho chhôhkha pawhrâhpa zy ta Shilôh liata ABEIPA hmiakô liata ahmaohpakhyna poh-o chhikao liata pachaopa ta ama ryuto châta amâ rai hawpa zy cha a châ. Chatanachata râh pachhaihpa cha ama paloh haw.