Maka 16

¹ Chatawhcha pahânoh chhâ nah chata, Mari Madali zy, Mari Zami nô zy, Salômi zy chata, Zisu pôhpa hnia awpa ta rohpahâhpa chalei ei ta.

² Chatawhcha noh sari noh liata noh hmiatuachaipa mydi ta, noh chhi tawhta thlâ cha kei tlô ei ta.

³ Chatawhcha âmosasyh ta, “Thlâ pamaina alô cha ahyma maniah pahluapa aw tly?” tahpa ta reih ei ta.

⁴ Chatawhcha moh ei ta, alô cha pahluah chiehpa ta hmô haw ei ta, lai kaw tlôh ta.

⁵ Chatawhcha thlâ chhôh liata a ngia ei ta, satlia pakha poh ngyuhpa a bupa ta, chachâh lâchhâh ta atyuhpa hmô ei ta; ama noâh ngâsâ ta.

⁶ Chatanachata ano chata ama hnohta, ‘Nama noâh khah se; Zisu Nazari chyhsa ama khaipâpa kha nama tluapa châ ualua aw ta. Ano cha a thyu haw, he liana heta y khao vei; moh teh u, ama paziana hih.

⁷ Châhrasala sie ula, a pachupazy nata Pity hnohna chata Kalili râh lâta nama hmiakô liata sie hai ta, nama hnohta a reipa hawhna tlai khata, cha liana chata nama hmô aw tahpa ta chho teh u,” tah ta.

⁸ Chatawhcha a chalyu ei ta, ama noâh kawpa vâta; pua ei ta, thlâ tawhna chata thata a râ ei ta; ama chipa vâta, ahy hnohta hmah khâpa hmah reih veih ei.

¹⁰ Ano cha Zisu ylâh tyhpazy hnohta vawh ta, mâchhiesapa ta ama cha haipa cha kei chho ta.

¹¹ Châhrasala âmo chata hroh heih ta, hmô chhao a hmô tahpa pahno hra ei sala zo leipa ei ta.

¹² Chatawhcha cha hnôh lâna chata, ama hry liata chyhsa pano râh lâ pangaipa ta ama sie hai nota, hmia a nano ngâsâpa ta ama hnohta a luah heih ta.

¹³ Chatawhcha âmo chata kua ei ta pachupa hropazy kei chho ei ta, âmo bie chhao cha zo hlei veih ei.

¹⁴ Cha hnôh lâ heihna chata, pati ama dôh nota pahrawhleikhapazy hnoh tlaita a luah ta; a thyu heih tawhta a hmôtuhpazy bie cha ama zo leipa vâta, ama ngiapâ leina vâta ama pathipalôh kuhchhana kyh liana chata âmo ra ta.

¹⁵ Chatawhcha ama hnohta, “Khizaw zydua liata sie ula, hmotaopa zydua hnohna chata thâtihpha he chho teh u.

¹⁶ Angiapâ ta bâti a châpa cha pachhapa ta y aw ta; a ngiapâ leipa deikua cha thai lei châpa ta ama y aw.

¹⁷ Chatawhcha he ngianazy heta angiapâtuhpazy cha a zi lymâ aw; ei moh ta ahripazy papua aw ei ta; reih thiehpa ta reih aw ei ta;

¹⁸ ku ta parihzy la aw ei ta, thina châmaih kheihawhpa chhao doh hra ei sala, âmo pasasa aw vei; a tlâh leipazy chô ta ama ku pazawh aw ei ta, ama patlâh lymâ aw,” tah ta.

¹⁹ Chatanachata Abeipa Zisu cha ama hnohta bie a rei khai nah chata, avâ lâ a chhipa ta y ha ta, Khazohpa chachâh lâta a kaw tyuh ha ta.

²⁰ Chatawhcha âmo cha sie ei ta, râh to liata bie chho haw ei ta; Abeipa ta âmo hriakhei ta, a zituhpa ngiana châta bie cha pa-isa lymâ ta.;