1
Zôsiah sawchapawpa Zudah beipa Zehôiki kô palihna liata Zeremiah pakah tawhta he biezy châbu liata a ro nota Neriah sawchapawpa Baruka hnohta hrohsopa Zeremiah bie reipa cha:
2
“Hy Baruka y, ABEIPA Izarel Khazohpa chata na hnohta he tana heta a tah:
3
Nâ ta, ‘Ei hu a po kaw dia! ABEIPA chata ei pasa taona liata pachârôhna na baichha haw tlôh ta; ei ropa ta panao khai na ta, hu hnona rai hmô thei va na,’ tah chi ta.
4
Ano hnohna chata he tana heta na rei awpa a châ, ABEIPA chata he tana heta a tah: Ei sa hawpa cha phih heih aw na ta, ei lo hawpa cha ei phia heih aw, râh zydua tlai cha.
5
Chatawhcha nama châta hmo rôhnahpa na tlua ma? Tlua khâ; sapa zydua chô liata hmopha leipa vaw patlôsa tlôh aw na ta, ABEIPA ta a tah; châhrasala na hrona cha su to liata na siena maih liata hraona châta ei cha pie aw,” tahpa ta.
