2 Abeizy 20

¹ Cha nona cha Hezekiah cha thi daihmâpa ta pasa ta. Amôza sawchapawpa hrohsopa Isai cha ano lâta a vy ta, a hnohta, “ABEIPA chata he tana heta a tah, ‘Na chhôhkha zy yzie awpa paryh teh; na thi aw, tlâh thei aw va chi,’ tahpa ta,” tah ta.

² Hezekiah cha pâchhô lâ a heihpa ta a palie ta, ABEIPA lâta,

³ Hy ABEIPA y, na hmiakô liata hmeihseihpa nata pathipalôh phapakipa phaohpa ta ei y tyhna zie nata na mohmô liata hmo phapa ei tao tyhna zie kha, ngiachhiepa ta a thei thlâh ha mah y?” tahpa ta thlahchhâ ta. Chatawhcha Hezekiah cha thata cha ta.

⁴ Isai cha khihpi liahliah a tlô hlâ ta ABEIPA bie ano lâta vaw tlô ta: “Kua la, ei chyhsa zy hyutuhpa Hezekiah hnohta reih teh, ABEIPA na mahpaw Davi Khazohpa chata he tana heta a tah: Na thlahchhâna kha thei na ta, na mothlih tlapa chhao ei hmô; cha patlâh aw na ta; noh thôh noh liana chata ABEIPA o lâta na khy aw.

⁵ ABEIPA o dôhpachhôh tlyhmia miano liana chata avâ liata a ypa zydua châta maisâh tao ta.

⁶ Chatawhcha na hro chhôh kô zy he kô hrawhleipangawh ta ei pasihsa aw. Nâ nata he khihpi Asuria beipa ku tawhta paboh aw na ta, keima vâta nata ei chakaotuhpa Davi vâta he khihpi he ei paboh aw, a tah,” tahpa ta. “‘Chatawhcha Isai ta,

⁷ Theiku tlo vaw cheih ula, chatanachata kheihluh liana chata vaw bai ei sala, a tlâ thei nawpa ta,” tah ta.

⁸ Hezekiah ta Isai hnohta, “ABEIPA ta na patlâh aw ta, ABEIPA o lâta a noh thôh noh ta ei khy aw tahpa pahnosana khâpa a châ aw?” tah ta.

⁹ Isai ta, “ABEIPA ta a hmo reipa he a tao tlai aw tahpa he he na châta ABEIPA tawhtapa pahnosana awpa cha a châ aw: nohpahlipa cha kei hrawh taihta a to awpa ma na khoh, kei hrawh taihta a sy awpa ma?” tah ta.

¹⁰ Hezekiah ta a chhy ta, “Nohpahlipa cha keih hrawh taihta to awpa cha nao kaw ta; chata la châ vei, nohpahlipa cha keih hrawh taihta tlao a sy sâ,” tah ta.

¹¹ Chatanachata hrohsopa Isai chata ABEIPA pado ta; Ahaza dawh pahnona liata nohpahlipa a hnei hawpa cha keih hrawh taihta pakuasa haw ta.

¹² Cha nona chata Balada sawchapawpa Babylaw beipa Merôdabalada chata châ paphaopa zy nata lymâ zy Hezekiah paphao ta; Hezekiah cha a pasa tahpa a theipa vâta,

¹³ Hezekiah chata âmo cha a vaw ly ta, a hmo sopa zydua, tâkâ zy, ngôh zy khâpa leipa rohpahâhpa zy, sathaw sôh ngaitapa zy, a chariah chhaichhi sona o chhôh zy, a ryu a ypa zydua cha pamosa ta; ano o liatahpa nata a râh chhôh liatahpa Hezekiah ta a pamosa leipa rai y vei.

¹⁴ Cha nona chata hrohsopa Isai cha Beipa Hezekiah lâta vawh ta, a hnohta, “Kha chyhsa zy khata khâpa ama reih, khataih tawhta nâ lâ amâ vy?” tah ta. Hezekiah chata, “Râh hlapapi Babylaw tawhna chata amâ vy,” tah ta.

¹⁵ Ano chata, “Na o liana heta khâpa ama hmô?” tah ta. Hezekiah chata, “Ei o chhôh liata a ypa zydua cha hmô khai ei ta; ei ryu hry liatahpa ei pamosa leipa rai y vei,” tahpa ta a chhy ta.

¹⁶ Chatawhcha Isai ta Hezekiah hnohta, “ABEIPA bie vaw nahthlie teh: Na ochhôh liata a ypa zydua nata atanoh taihta na mahpaw zyta ama vaw pachôpa zy cha Babylaw lâta ama siekhei noh zy a vaw tlô haw; khâpahmah siesaipa y aw vei, ABEIPA ta a tah.

¹⁷ Manase thâtih hropa zy, a hmotaopa zydua zy, a hmo paraopa zy cha Zudah abei zy amâ bei no tahpa THÂTIHZY rona châbu liata ropa ta y vei mâ?

¹⁸ Nâ tawhta na sa awpa na sawchapawpa zy tlai hry liatahpa chhao siekhei aw ei ta; Babylaw beipa o liana chata chyhsa hrilyupa ama châ aw, a tah,” tah ta.

¹⁹ Hezekiah ta Isai hnohta, “Na reipa ABEIPA bie he a pha na,” tah ta. “Ei hro chhôh liana heta adyuhna nata hmeihseihna a y awpa khiahtala, cha hawhpa cha y hra aw vei ma?” tahpa ta a pachâpa vâta.

²⁰ Hezekiah thâtih hropa zy, a hmotaothei zie zydua zy, tipo nata ti lana tao ta, khihpi chhôh lâta ti lana kyh zy cha Zudah abei zy amâ bei no tahpa kyh rona châbu liata ropa ta y vei mâ?

²¹ Chatawhcha Hezekiah cha a mahpaw zy hnohta a mô ta; a sawchapawpa Manase cha ano vyuhpa ta abei ta.