2900. Quod Verbum Novi Testamenti quod apud Evangelistas, attinet, quia Dominus ex ipso Divino locutus est, ideo quoque singula quae locutus, repraesentativa et significativa Divinorum, ita caelestium regni et Ecclesiae Ipsius, fuerunt, ut pluries in praecedentibus ostensum.
Psalmi 29:3-9
3
Domine Deus meus, clamavi ad te, et sanasti me.
4
Domine, eduxisti ab inferno animam meam ; salvasti me a descendentibus in lacum.
5
Psallite Domino, sancti ejus ; et confitemini memoriæ sanctitatis ejus.
6
Quoniam ira in indignatione ejus, et vita in voluntate ejus ad vesperum demorabitur fletus, et ad matutinum lætitia.
7
Ego autem dixi in abundantia mea : Non movebor in æternum.
8
Domine, in voluntate tua præstitisti decori meo virtutem ; avertisti faciem tuam a me, et factus sum conturbatus.
9
Ad te, Domine, clamabo, et ad Deum meum deprecabor.
