10808. Continuatio de Sexta Tellure in Caelo Astrifero

Hi spiritus cum quibus nunc locutus sum erant a parte septentrionali suae telluris; dein perlatus sum ad alios qui erant a parte occidentali; hi quoque volentes explorare quinam essem et qualis, statim dicebant quod apud me nihil nisi quam malum ¹ esset; cogitabant sic quod deterrerer a propius accedendo; ² apperceptum quod ³ ita ad omnes qui adventant, primum dicant; sed respondere dabatur quod sciam bene quod ita sit, et ⁴ quod apud illos similiter nihil nisi quam malum sit, ex causa quia omnis nascitur in malum, et ⁵ ideo quicquid ab homine, spiritu, ac angelo, ut a suo seu proprio venit, non est nisi quam malum, ⁶ quoniam omne bonum quod ⁷ apud unumquemvis, est a Domino; inde appercipiebant quod in veritate essem, et admittebar ad loquendum cum illis; et tunc ostendebant mihi suam ideam de malo apud hominem, et de bono a Domino, quomodo ab invicem separantur; ponebant unum juxta alterum, paene ut ⁸ contigua, sed usque ⁹ separata, at quasi vincta ineffabili modo ita ut bonum duceret malum, et frenaret illud, ut non liceret ei agere ¹⁰ ex lubitu, et quod bonum sic flecteret malum ad quod vellet, ¹¹ praeterquam quod malum id ¹² resciret; ita sistebant dominium boni super malum et simul ¹³ statum liberum in quo malum ducitur a bono ad bonum, ita ad ¹⁴ Dominum, nam de idea boni habebant ideam Domini, quia est ab Ipso.

फुटनोट:

5471. ‘In deprecando illo ad nos, et non audivimus’: quod significet ejus continuam sollicitationem absque receptione, constat ex significatione ‘deprecari’ quod sit sollicitatio; deprecatio enim ne abalienetur, cum agitur de influxu boni a Divino, est sollicitatio ut recipiatur; bonum enim quod a Domino influit, continue instat et quasi sollicitat, sed est apud hominem ut recipiatur; inde est quod ‘deprecatio ne abalienetur’ significet continuam sollicitationem; inde sequitur quod ‘non audire’ significet non recipi. In sensu litterae agitur de pluribus, ut de decem filiis Jacobi et de Josepho, sed in sensu interno agitur de illis in uno subjecto; vera Ecclesiae externae seu in naturali, quae repraesentantur per ‘decem filios Jacobi’, sunt vera quae in externo ¹ homine, et caeleste spiritualis quod repraesentatur per ‘Josephum’ est verum a Divino in interno homine; similiter se habet alibi in historicis Verbi, sunt enim res quae significantur per personas, et ipsae illae res spectant unum subjectum.

फुटनोट: