1
Hy Khazohpa, nâ cha ei Khazohpa châ chi ta, ei cha tlua aw; lyurâh chawhkaraipa, ti y leina liana heta, ei hrona he nâma vâpa ta a dâhphi ta, ei sapa heta a cha vâ.
2
Cha hawhna hra chata na su pathaihpa liata ei cha moh thlâh hapa kha, na hmotaotheina nata na rôhnahna hmô awpa ta.
3
Na kyhpachâ ngiachhiena kyh zie cha hrona hlâta a pha viapa vâta, ei hmaozy heta a cha reithai aw.
4
Cha hawhna hra chata ei hro chhôhta cha reithai aw na ta; na moh ta ei kuzy ei chalo aw.
5
Ei hrona he lathli nata thaw ta lôhrâtlôpa hawhta lôhrâtlôpa ta y aw ta, ei pakah heta thaphana hmao ta a cha reithai hra aw,
6
ei rakhô chô liata châ thei thlâh hana ta, zâ daihti ta na thâtih ei cha pachâpady nona chata;
7
nâ cha na baotuhpa châ tlôh chi ta, na mathlaw nohpahlina ry liana chata ei y aw na.
8
Ei hrona heta liahsa cha zi ta; na ku chachâh lâta eina cha-ao tyh.
9
Ei hrona pahlei a chhuahpa ta a tluatuhpazy cha, alei su ry chaipa zy liana chata amâ ngia aw;
10
zaozi hmotaotheina lâta piepa châ aw ta, sihâzy tovyuh ama châ ha aw.
11
Abei deikua cha Khazohpa liata thaphapa ta y aw ta; ano moh reipa ta chhie a sapa maih chata amâ palai aw; haipa bie rei a hmâhpa pakahzy cha chahupa ta y tlôh aw ta.
