79. In multis locis apud Prophetas agitur de intellectu Verbi ubi agitur de ecclesia, et docetur quod non alibi sit ecclesia quam ubi Verbum juste intelligitur, et quod talis sit ecclesia qualis est intellectus Verbi apud illos qui in illa sunt. Multis in locis apud Prophetas etiam describitur ecclesia apud gentem Israeliticam et Judaicam, quod prorsus destructa et nulla facta sit per id, quod sensum seu intellectum Verbi falsificaverint, nam aliud non destruit ecclesiam. Intellectus Verbi tam verus quam falsus describitur apud Prophetas per Ephraimum, imprimis apud Hoscheam; nam per "Ephraimum" in Verbo significatur intellectus Verbi in ecclesia: et quia intellectus Verbi facit ecclesiam, ideo Ephraim vocatur,

"Filius pretiosus," et "natus deliciarum" (Jeremias 31:20); ¹

"Primogenitus" (Jeremias 31:9); ²

"Robur capitis Jehovae" (Psalmus 60:9; 108:9) ³ ; ⁴

"Potens" (Sacharias 10:7);

"Impletus arcu" (Sacharias 9:13):

Et filii Ephraimi vocantur,

"Armati" et "jaculatores arcus" (Psalmus 78:9);

Per "arcum" significatur doctrina ex Verbo pugnans contra falsa. Ideo etiam,

Ephraim ad dextram Israelis translatus est, et benedictus: tum loco Reubenis acceptatus (Genesis 48:5, 11, seq.).

Et ideo,

Ephraim una cum fratre suo Menasse, a Mose in benedictione filiorum Israelis sub nomine Josephi patris illorum supra omnes exaltatus est (Deuteronomius 33:13-17).

Qualis autem ecclesia est, quando intellectus Verbi est deperditus, per Ephraimum etiam apud Prophetas describitur, imprimis apud Hoscheam; ut patet ex his:-

"Israel et Ephraim corruent... Ephraim in solitudinem erit Ephraim oppressus et concussus judicii... Ego ero ut leo Ephraimo rapiam et ibo, auferam et non eripiens" (Hoscheam 5:5, 9, 11-14).

"Quid faciam tibi Ephraim?... quia sanctitas tua, sicut nubes aurorae, et sicut ros mane cadens, abit" (Hoscheam 6:4).

"Non habitabunt in terra Jehovae, ... revertetur Ephraim (in) Aegyptum, et in Assyria immundum comedet" (Hoscheam 9:3):

"terra Jehovae" est ecclesia Aegyptus" est scientificum naturalis hominis, "Assyria" est ratiocinatio inde, ex quibus Verbum quoad intellectum ejus falsificatur; ideo dicitur, quod "Ephraim in Aegyptum revertetur, et in Assyria immundum comedet."

"Ephraim pascens ventum, et persequitur eurum; omni die mendacium et vastationem multiplicat; foedus cum Assyrio pangit, et oleum in Aegyptum defertur" (Hoscheam 12:2): ⁵

"pascere ventum," "persequi eurum," ac "multiplicare mendacium et vastationem," est falsificare vera, et sic destruere ecclesiam. Simile etiam significatur per "scortationem Ephraimi," (nam "scortatio" significat falsificationem intellectus Verbi, hoc est, genuini veri ejus,) in his:-

"Ego novi Ephraimum, ... quod omnino scortatus sit... et pollutus sit Israel" (Hoscheam 5:3).

"In domo Israelis vidi rem foedam; ibi scortatus est Ephraim, et pollutus est Israel" (Hoscheam 6:10):

"Israel" est ipsa ecclesia, et "Ephraim" est intellectus Verbi, ex quo et secundum quem est ecclesia; quare dicitur, "Scortatus est Ephraim, et pollutus est Israel." Quoniam ecclesia apud Judaeos per falsificationes Verbi plane destructa fuit, ideo de Ephraimo ita dicitur,

"Dabo te Ephraim, tradam te Israel, sicut Adamam, et ponam te sicut Zeboim" (Hoscheam 11:8).

Nunc quia apud Prophetam Hoscheam, a primo capite ad ultimum ibi, agitur de falsificatione Verbi, et de destructione ecclesiae per illam, et quia per "scortationem" significatur falsificatio veri ibi, ideo mandatum est illi prophetae, ut representaret illum statum ecclesiae per quod acciperet sibi scortum in mulierem, et ex illa gigneret filios (Hoschea 1); ac iterum, ut acciperet mulierem adulteram (Hoschea 3). Haec allata sunt, ut ex Verbo sciatur et confirmetur, quod ecclesia talis sit qualis est intellectus Verbi in illa; praestans et pretiosa, si intellectus ejus sit ex genuinis veris ex Verbo; at destructa, immo foeda, si ex falsificatis. Ad confirmationem quod per "Ephraimum" significetur intellectus Verbi, et in opposito sensu ille falsificatus, et quod inde sit destructio ecclesiae, conferri possunt reliqua loca, in quibus de Ephraimo agitur :-

Ut Hoscheam 4:17-18; 7:1, 11; 8:9, 11; 9:11-13, 16; 10:11; 11:3; 12:1, 8, 14; 13:1, 12: ⁶ Esaias 17:3; 28:1: Jeremias 4:15; 31:6, 18; 50:19: Ezechiel 37:16; 48:5: Obadias 1:19: ⁷ Sacharias 9:10.

Poznámky pod čarou:

172. In ¹ DOCTRINA NOVAE HIEROSOLYMAE DE SCRIPTURA SACRA, ostensum est, quod Dominus sit Verbum, et quod omnis doctrina Ecclesiae ex Verbo haurienda sit; nunc quia Dominus est Verbum, sequitur, quod homo qui docetur ex Verbo, doceatur a Solo Domino. Sed quia hoc aegre comprehenditur, illustrabitur in hoc ordine. 1. Quod Dominus sit Verbum, quia Verbum est ab Ipso et de Ipso. 2. Et quia est Divinum Verum Divini Boni. 3. Quod sic ex Verbo doceri, sit ex Ipso. ² 4. Et quod fiat mediate per praedicationes, quod non tollat immediatum.

[2] PRIMO; Quod Dominus sit Verbum, quia est ab ³ Ipso et de Ipso. Quod Verbum sit a Domino, a nemine negatur in Ecclesia; quod autem Verbum sit de Solo Domino, hoc quidem non negatum est, sed nescitum, at ostensum in DOCTRINA NOVAE HIEROSOLYMAE DE DOMINO 1-7 et 37-44: et in DOCTRINA NOVAE HIEROSOLYMAE DE SCRIPTURA SACRA 62-69, 80-90, 98-100: nunc quia Verbum est ex Solo Domino, et de Solo Domino, sequitur, quod cum homo docetur ex Verbo, doceatur ex Domino, est enim Verbum Divinum; quis potest ⁴ communicare Divinum, ac illud indere cordibus, nisi quam ipsum Divinum, a quo est et de quo agit: quare dicit Dominus, ubi loquitur de conjunctione Ipsius cum discipulis, "Quod manerent in Ipso, et verba Ipsius in illis," Johannes 15:7. "Quod verba Ipsius essent spiritus et vita," Johannes 6:63: "Et quod mansionem habeat apud illos, qui verba Ipsius servant," 14:20-24; quare cogitare ⁵ ex Domino, est ex Verbo, sicut per Verbum. Quod omnia Verbi communicationem cum Coelo habeant, in DOCTRINA NOVAE HIEROSOLYMAE DE SCRIPTURA ⁶ SACRA, a principio ad finem, ostensum est, et quia Dominus est Coelum, intelligitur quod omnia Verbi communicationem habeant cum Ipso Domino: Angeli Coeli quidem communicationem habent, sed hoc quoque a Domino.

[3] SECUNDO; Quod Dominus sit Verbum, quia est Divinum Verum Divini Boni: quod Dominus sit Verbum, docet apud Johannem his verbis, "In principio erat Verbum, et Verbum erat apud Deum, et Deus erat Verbum: et Verbum Caro factum est, et habitavit in nobis," 1:1, 14; hoc quia hactenus non aliter intellectum est, quam quod Deus doceret hominem per Verbum, ideo explicatum est per vocem elevationis, quae involvit quod Dominus non sit Ipsum Verbum: causa est, quia non sciverunt, quod per Verbum intelligatur Divinum Verum Divini Boni, seu quod idem, Divina Sapientia Divini Amoris; quod haec sint Ipse Dominus, in Transactione de DIVINO AMORE ET DIVINA SAPIENTIA, in Parte Prima, ostensum est; et quod haec sint Verbum, in DOCTRINA NOVAE HIEROSOLYMAE DE SCRIPTURA SACRA 1-26 ⁷ .

[4] Quomodo Dominus est Divinum Verum Divini Boni, hic paucis etiam dicetur: omnis homo non est homo ex facie et corpore, sed ex bono amoris sui et ex veris sapientiae suae; et quia homo ex his est homo, est quoque omnis homo suum verum et suum bonum, seu suus amor et sua sapientia; absque his non est homo: Dominus autem est Ipsum Bonum et Ipsum Verum, seu quod idem, Ipse Amor et Ipsa Sapientia; et haec sunt Verbum, quod in principio fuit apud Deum, et quod fuit Deus, et quod Caro factum est.

[5] TERTIO. Quod sic ex Verbo doceri sit ab Ipso Domino, quia est ex Ipso Bono et ex Ipso Vero, seu ex Ipso Amore et ex Ipsa Sapientia, quae sunt Verbum, ut dictum est; sed quisque docetur secundum sui amoris intellectum; quod supra est, non manet. Omnes illi qui docentur a Domino in Verbo, in paucis veris docentur in mundo, sed in multis cum fiunt angeli; interiora enim Verbi, quae sunt Divina Spiritualia et Divina Coelestia, implantantur simul, sed haec non apud hominem aperiuntur quam post obitum ejus, in Coelo, ubi est in sapientia angelica, quae respective ad humanam, ita ad priorem suam, est ineffabilis. Quod Divina spiritualia et Divina coelestia, quae faciunt sapientiam angelicam, insint omnibus et singulis Verbi, in DOCTRINA NOVAE HIEROSOLYMAE DE SCRIPTURA SACRA 5-26, ⁸ videatur.

[6] QUARTO; Quod hoc fiat mediate per praedicationes, non tollit immediatum: Verbum non potest aliter quam mediate per parentes, magistros, praedicatores, libros, et imprimis per lectionem ejus, doceri; sed usque non docetur ab illis, sed per illos a Domino: hoc quoque est ex scientia praedicatorum, qui dicunt, ⁹ quod non ipsi ex se, sed ex spiritu Dei loquantur; et quod omne verum sicut omne bonum sit a Deo; loqui quidem id possunt, ac inferre multorum intellectui, sed non alicujus cordi, et quod non est in corde, hoc perit in intellectu; per cor intelligitur amor hominis. Ex his videri potest, quod homo a Solo Domino ducatur et doceatur; et quod immediate ab Ipso, cum ex Verbo. Hoc est arcanum arcanorum Sapientiae Angelicae.

Poznámky pod čarou: