Bible

 

Ezechiel 6

Studie

   

1 Et factus est sermo Domini ad me, dicens :

2 Fili hominis, pone faciem tuam ad montes Israël, et prophetabis ad eos,

3 et dices : Montes Israël, audite verbum Domini Dei. Hæc dicit Dominus Deus montibus et collibus, rupibus et vallibus : Ecce ego inducam super vos gladium, et disperdam excelsa vestra,

4 et demoliar aras vestras, et confringentur simulacra vestra, et dejiciam interfectos vestros ante idola vestra :

5 et dabo cadavera filiorum Israël ante faciem simulacrorum vestrorum, et dispergam ossa vestra circum aras vestras :

6 in omnibus habitationibus vestris urbes desertæ erunt, et excelsa demolientur et dissipabuntur : et interibunt aræ vestræ, et confringentur, et cessabunt idola vestra, et conterentur delubra vestra, et delebuntur opera vestra :

7 et cadet interfectus in medio vestri, et scietis quia ego sum Dominus.

8 Et relinquam in vobis eos qui fugerint gladium in gentibus, cum dispersero vos in terris :

9 et recordabuntur mei liberati vestri in gentibus ad quas captivi ducti sunt : quia contrivi cor eorum fornicans et recedens a me, et oculos eorum fornicantes post idola sua : et displicebunt sibimet super malis quæ fecerunt in universis abominationibus suis.

10 Et scient quia ego Dominus non frustra locutus sum, ut facerem eis malum hoc.

11 Hæc dicit Dominus Deus : Percute manum tuam et allide pedem tuum, et dic, Heu ! ad omnes abominationes malorum domus Israël, quia gladio, fame et peste ruituri sunt.

12 Qui longe est, peste morietur : qui autem prope, gladio corruet : et qui relictus fuerit et obsessus, fame morietur : et complebo indignationem meam in eis.

13 Et scietis quia ego Dominus, cum fuerint interfecti vestri in medio idolorum vestrorum, in circuitu ararum vestrarum, in omni colle excelso, et in cunctis summitatibus montium, et subtus omne lignum nemorosum, et subtus universam quercum frondosam, locum ubi accenderunt thura redolentia universis idolis suis.

14 Et extendam manum meam super eos : et faciam terram desolatam, et destitutam, a deserto Deblatha, in omnibus habitationibus eorum : et scient quia ego Dominus.

   

Ze Swedenborgových děl

 

Dicta Probantia # 52

  
/ 101  
  

52. ADVENTUS DOMINI. SECTIO 4.24

Describitur Dominus quoad Verbum, apparens super expanso Cheruborum, et describitur, Ezech. 1:26 ad 28, et vocatur Adonai Jehovih Cap. 2:4, Cap. 3:11, 27, Cap. 4:14, Cap. 5:5, 7, 8, 11, Cap. 6:3, 11, Cap. 7:2, 5, Cap. 8:1, seq: tum Deus Israelis, Cap. 8:4.

Ut careant pane et aqua et desolentur vir et frater ejus, et contabescant propter iniquitatem, Ezech. 4:17.

In omnibus habitationibus vestris urbes devastabuntur, etexcelsa [desolabuntur, Ezech. 6:6.]

Finis venit, finis super quatuor plagas terrae: immittam iram meam in te, et judicabo te juxta vias; finis venit, finisvenit, venit mane super te habitator terrae, venit tempus, propinquus dies tumultus, Ezech. 7:2 ad 12.

Panem suum cum sollicitudine comedent, et aquas cum stupore bibent, ut devastetur terra ejus a plenitudine sua; urbes habitatae devastabuntur, et terra desolata erit, Ezech. 12:19, 20.

NB. Visio quam propheta videns post dies multos, et in tempora longinqua ille prophetans, Ezech. 12:27.

Quod pulvillos sub manibus, per mendacia, etc. Ezech. 13:20 ad 23.

Fiat terra Aegypti solitudo et vastitas; dabitur in vastitates, vastitatem desolationis; in solitudinem in medio terrarum desolatarum, et urbes ejus in medio urbium devastatarum erunt solitudo, Ezech. 29:9, 10, 12, de Aegypto.

Devastabuntur in medio terrarum devastatarum, et urbes ejus in medio urbium desolatarum erunt, vastabo terram et plenitudinem ejus, Ezech. 30:7, 12, De Aegypto.

Obtegam cum exstinxero te coelos, et atrabo stellas eorum, solem nube obtegam, omnia luminaria lucis in coelis atrabo super te, et dabo tenebras super terra, Ezech. 32:7, 8.

(Violenti gentium devastabunt superbiam Aegypti, ut perdatur omnis multitudo ejus. Dabo terram Aegypti vastitatem, ut desolata sit terra a plenitudine sua. Ezech. 32:12, 15.

  
/ 101