Novokřesťanské studium Bible

Bible

 

Exodus 20

Studie

   

1 Locutusque est Dominus cunctos sermones hos :

2 Ego sum Dominus Deus tuus, qui eduxi te de terra Ægypti, de domo servitutis.

3 Non habebis deos alienos coram me.

4 Non facies tibi sculptile, neque omnem similitudinem quæ est in cælo desuper, et quæ in terra deorsum, nec eorum quæ sunt in aquis sub terra.

5 Non adorabis ea, neque coles : ego sum Dominus Deus tuus fortis, zelotes, visitans iniquitatem patrum in filios, in tertiam et quartam generationem eorum qui oderunt me :

6 et faciens misericordiam in millia his qui diligunt me, et custodiunt præcepta mea.

7 Non assumes nomen Domini Dei tui in vanum : nec enim habebit insontem Dominus eum qui assumpserit nomen Domini Dei sui frustra.

8 Memento ut diem sabbati sanctifices.

9 Sex diebus operaberis, et facies omnia opera tua.

10 Septimo autem die sabbatum Domini Dei tui est : non facies omne opus in eo, tu, et filius tuus et filia tua, servus tuus et ancilla tua, jumentum tuum, et advena qui est intra portas tuas.

11 Sex enim diebus fecit Dominus cælum et terram, et mare, et omnia quæ in eis sunt, et requievit in die septimo : idcirco benedixit Dominus diei sabbati, et sanctificavit eum.

12 Honora patrem tuum et matrem tuam, ut sis longævus super terram, quam Dominus Deus tuus dabit tibi.

13 Non occides.

14 Non mœchaberis.

15 Non furtum facies.

16 Non loqueris contra proximum tuum falsum testimonium.

17 Non concupisces domum proximi tui, nec desiderabis uxorem ejus, non servum, non ancillam, non bovem, non asinum, nec omnia quæ illius sunt.

18 Cunctus autem populus videbat voces et lampades, et sonitum buccinæ, montemque fumantem : et perterriti ac pavore concussi, steterunt procul,

19 dicentes Moysi : Loquere tu nobis, et audiemus : non loquatur nobis Dominus, ne forte moriamur.

20 Et ait Moyses ad populum : Nolite timere : ut enim probaret vos venit Deus, et ut terror illius esset in vobis, et non peccaretis.

21 Stetitque populus de longe. Moyses autem accessit ad caliginem in qua erat Deus.

22 Dixit præterea Dominus ad Moysen : Hæc dices filiis Israël : Vos vidistis quod de cælo locutus sim vobis.

23 Non facietis deos argenteos, nec deos aureos facietis vobis.

24 Altare de terra facietis mihi, et offeretis super eo holocausta et pacifica vestra, oves vestras et boves in omni loco in quo memoria fuerit nominis mei : veniam ad te, et benedicam tibi.

25 Quod si altare lapideum feceris mihi, non ædificabis illud de sectis lapidibus : si enim levaveris cultrum super eo, polluetur.

26 Non ascendes per gradus ad altare meum, ne reveletur turpitudo tua.

   

Ze Swedenborgových děl

 

Arcana Coelestia # 8910

Prostudujte si tuto pasáž

  
/ 10837  
  

8910. ‘Non concupisces domum proximi tui; non concupisces uxorem proximi tui, et servum ejus et ancillam ejus, et bovem ejus et asinum ejus, et omne quod proximo tuo’: quod significet quod cavendum ab amore sui et mundi, ac ita ne mala quae continentur in praecedentibus praeceptis fiant voluntatis et sic exeant, constat ex significatione ‘concupiscere’ quod sit velle ex amore malo; quod ‘concupiscere’ id sit, est quia omnis concupiscentia est amoris cujusdam, nam nihil concupiscitur nisi ametur, estque ideo concupiscentia continuum amoris, hic amoris sui aut mundi, et est quasi respirationis ejus vita, nam quod respirat amor malus vocatur concupiscentia, at quod respirat amor bonus vocatur desiderium; ipse amor pertinet ad alteram partem mentis quae appellatur 1 voluntas, nam quicquid amat homo hoc vult; concupiscentia autem pertinet ad utramque, nempe tam ad voluntatem quam ad intellectum, sed est proprie voluntatis in intellectu; ex his patet unde est quod per verba, ‘non concupisces illa quae proximi sunt’, significetur quod cavendum ne fiant voluntatis, nam quae fiunt voluntatis, ea appropriantur 2 homini, quippe 3 voluntas est ipse homo.

[2] Creditur in mundo quod cogitatio sit homo, sed bina sunt quae constituunt vitam hominis, intellectus et voluntas; ad intellectum pertinet cogitatio, ad voluntatem affectio quae amoris; cogitatio absque affectione quae amoris non facit aliquid vitae apud hominem, sed cogitatio ex affectione quae amoris, ita intellectus ex voluntate; quod ea bina sint inter se distincta, patet unicuique qui reflectit, ex eo quod homo intelligere et percipere possit malum esse quod vult, et bonum esse quod vel vult vel non vult; ex quibus 4 liquet quod voluntas sit ipse homo, non autem 5 cogitatio nisi quantum in eam ex voluntate transit; inde est quod quae intrant in cogitationem hominis, et non per illam in voluntatem, non immundum reddant illum, sed quae intrant per cogitationem in voluntatem; quod haec 6 immundum reddant hominem 7 , est quia tunc appropriantur illi 8 , et fiunt ipsius nam voluntas, ut dictum est, est ipse homo; quae fiunt voluntatis dicuntur ingredi in cor ejus, et inde egredi, at quae 9 modo sunt cogitationis dicuntur ingredi in os, sed egredi per ventrem in secessum, secundum Domini verba apud Matthaeum, Non quod intrat in os immundum reddit hominem, sed quod egreditur ex ore, hoc immundum reddit hominem; omne quod ingreditur in os in ventrem abit, et in secessum ejicitur; quae vero egrediuntur ex ore ex corde egrediuntur, et haec immundum reddunt hominem; ex corde enim egrediuntur cogitationes malae, homicidia, adulteria, stupra, furta, falsa testimonia, blasphemiae, 15:11, 17-19 10 ;

[3] ex his ut ex omnibus reliquis, constare potest qualis fuerat loquela Domini, quod nempe intellecta sint interna et spiritualia, sed expressa per externa seu 11 naturalia, et hoc secundum 12 correspondentias; os enim correspondet cogitationi, sicut etiam omnia quae oris 13 , ut labra, lingua, guttur; et cor correspondet affectioni quae amoris, ita voluntati; quod cordis correspondentia cum his sit, videatur n. 2930, 3313, 3883-3896, 7542; inde ‘ingredi in os’ est in cogitationem, et ‘egredi ex corde’ est ex voluntate; ‘in ventrem abire et in secessum seu latrinam ejici’ est in infernum, venter enim correspondet viae versus infernum, et secessus seu latrina correspondet inferno, 14 infernum quoque in Verbo vocatur ‘latrina’; inde patet quid significat, quod ‘omne quod ingreditur in os, in ventrem abeat, et in secessum ejiciatur’, quod nempe sint malum et falsum in cogitationem hominis ab inferno injecta et rursus illuc ablegata; haec non possunt immundum reddere hominem, quia ablegantur, nam homo a cogitare malum non potest desistere sed a facere illud, at ut primum 15 a cogitatione in voluntatem malum recipit, tunc non egreditur sed intrat in illum, et hoc dicitur ‘intrare in cor’; quae inde egrediuntur immundum reddunt illum, quia quod homo vult, hoc egreditur in loquelam et in actum quantum non vetant vincula externa 16 , quae sunt timor legis, jacturae famae, honoris, lucri, vitae; ex his nunc patet quod per ‘non concupisces’ significetur quod cavendum ne mala fiant voluntatis, et sic exeant.

[4] Quod ‘concupiscentia’ sit voluntatis, ita cordis, etiam constat a Domini verbis apud Matthaeum,

Audivistis quod veteribus dictum sit, Non moecheris; Ego vero dico vobis quod si quis aspexerit mulierem alienam ita ut concupiscat illam, jam adulterium commiserit cum illa in corde suo, 5:27, 28;

per ‘concupiscere’ hic intelligitur velle, et nisi timores, qui sunt vincula externa, inhiberent, facere 17 ; inde dicitur quod ‘qui aspicit mulierem ita ut concupiscat illam, commiserit adulterium cum illa in corde suo’.

[5] Concupiscentia mali etiam intelligitur per ‘oculum dextrum scandalizantem’, et concupiscentia falsi per ‘manum dexteram scandalizantem’ in Domini verbis, etiam apud 18 Matthaeum,

Si oculus dexter scandalizaverit te, erue illum et abjice abs te; melius namque erit tibi ut unum membrorum tuorum pereat, et non totum corpus tuum conjiciatur in gehennam; et si manus 19 dextera tua 20 scandalizaverit te, amputa illam et abjice abs te; melius enim erit tibi ut unum membrorum tuorum pereat, et non totum corpus tuum conjiciatur in gehennam, 5:29, 30;

ex his iterum constat quomodo Dominus locutus est, quod nempe ex Divino, sicut ubivis alibi in Verbo, ita quod interna et caelestia expresserit per externa seu naturalia secundum correspondentias, hic affectionem mali seu concupiscentiam ejus, per ‘oculum dextrum scandalizantem’, et affectionem falsi seu concupiscentiam ejus per ‘manum dextram scandalizantem’; oculus enim correspondet fidei, oculus sinister vero fidei, et oculus dexter bono fidei, in opposito sensu malo quod fidei, ita ‘oculus dexter 21 scandalizans’ concupiscentiae mali, n. 4403-4421, 4523-4534; manus autem correspondet potentiae quae veri, manus dextera potentiae veri ex bono, in opposito sensu potentiae falsi ex malo, ita ‘manus dextera scandalizans’ concupiscentiae ejus 22 , n. 23 3091, 4931-4937, 8281; ‘gehenna’ est infernum concupiscentiarum; quisque videre potest quod hic per ‘oculum dextrum’ non intellectus sit oculus dexter, nec intellectum 24 quod ille eruendus sit; tum quod per ‘manum dexteram’ non intellecta sit 25 manus dextera, et quod ea 26 amputanda sit, sed quod aliud quid, quod non sciri potest nisi sciatur quid significatur per ‘oculum’, in specie per oculum dextrum, tum 24 quid per ‘manum’ et in specie' per ‘manum dexteram’, ut et quid 27 per ‘scandalizare’; nec sciri potest quid per illa significatur nisi ex sensu interno.

[6] Quia concupiscentiae sunt quae ex voluntate mala, ita ex corde tali, et ex corde seu voluntate ‘exeunt homicidia, adulteria, stupra, furta, falsa testimonia, [blasphemiae, ]’ secundum Domini verba apud Matthaeum 15:19, ita talia quae in praecedentibus decalogi praeceptis continentur; ideo 28 dicitur quod per ‘non concupisces illa quae proximi sunt’ significetur quod cavendum ne mala quae continentur in praecedentibus praeceptis fiant voluntatis, et sic exeant. Quod etiam per ‘non concupisces illa quae proximi sunt’ significetur quod cavendum sit ab amore sui et mundi, est quia omnia mala concupiscentiae ab illis ut a suis fontibus 29 scaturiunt, videatur n. 2045, 7178, 7255, 7366-7377, 7488, 8318, 8678.

Poznámky pod čarou:

1. vocatur

2. appropriata sunt

3. nam

4. his

5. et non

6. ea

7. eum

8. homini

9. The following two (or in some cases more) words are transposed in the Manuscript.

10. The editors of the third Latin edition made a minor correction here. For details, see the end of the appropriate volume of that edition.

11. et

12. The editors of the third Latin edition made a minor correction here. For details, see the end of the appropriate volume of that edition.

13. The Manuscript inserts sunt.

14. The Manuscript inserts et.

15. The Manuscript inserts illud.

16. sed quantum vincula externa non vetant altered to sed non plus quam vincula externa non vetant

17. agere

18. The editors of the third Latin edition made a minor correction here. For details, see the end of the appropriate volume of that edition.

19. The following word or phrase is crossed out in the Manuscript, but it does appear in the first edition.

20. The editors of the third Latin edition made a minor correction here. For details, see the end of the appropriate volume of that edition.

21. The Manuscript deletes dexter and inserts illum.

22. The Manuscript deletes falsi.

23. The editors of the third Latin edition made a minor correction here. For details, see the end of the appropriate volume of that edition.

24. et

25. intelligitur

26. haec

27. tum

28. idcirco

29. The Manuscript inserts unice.

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

©2024 New Christian Bible Study Corporation. All rights reserved. Printed from newchristianbiblestudy.org