20
et locutus ait : Sit nomen Domini benedictum a sæculo et usque in sæculum : quia sapientia et fortitudo ejus sunt.
Daniel 2:20
Arcana Coelestia # 426
426. Quod ‘ferrum’ significet verum naturale, praeter ab illis quae allata sunt, etiam constat apud Ezechielem de Tyro, Tarshish negotiatrix tua, prae multitudine omnis affluentiae, in argento, ferro, stanno et plumbo, dederunt mercaturas tuas: Dan et Javan, et Meusal 1 , in negotiationibus tuis dederunt ferrum tersum; casia et calamus in foro tuo fuit, 27:12, 19;
ex his et quae praecedunt et sequuntur in eodem capite, constat manifeste quod significentur divitiae caelestes et spirituales, et quod per singula quae nominantur, aliquid speciale; tum etiam per nomina; nam Verbum Domini est spirituale non verbale:
[2] apud Jeremiam,
Num conteret ferrum, ferrum a septentrione et aes? facultates tuas et thesauros in praedam dabo, non in pretio, et quidem pro omnibus peccatis His, 15:12, 13;
ubi ‘ferrum et aes’ pro vero et bono naturali; ‘quod venit a septentrione’ significat sensuale et naturale, nam naturale respective ad spirituale et caeleste est sicut caligo seu septentrio ad lucem aut meridiem; ’ aut sicut umbra, quam significat quoque ‘Zillah’ 2 hic, quae mater: quod ‘facultates et thesauri’ sint divitiae caelestes et spirituales, etiam manifeste patet:
[3] apud Ezechielem,
Accipe tibi sartaginem ferri; et da eam parietem ferri, inter te et inter urbem, et disponas facies tuas ad eam, et sit in obsidionem, et angustes contra eam, 4:3;
quod per ‘ferrum’ hic significetur veritas, etiam constat; veritati tribuitur robur quia ei non resisti potest, quare etiam praedicatur de ferro, quo significatur veritas seu verum fidei, quod confringat et contundat; ut apud Dan. 2:33, 40;
et apud Johannem, Qui vicerit, ... illi dabo potestatem super gentes, illi pascat 3 eas virga ferrea; sicut vasa figulinorum 4 conterantur, Apoc. 2:26, 27:
apud eundem,
Mulier peperit filium masculum, qui pasturus4 erit omnes gentes virga ferrea, Apoc. 12:5;
[4] quod ‘virga ferrea’ sit veritas quae est Verbi Domini, apud Johannem explicatur, Vidi caelum apertam, cum ecce equus albus, et qui sedens super illo, vocabatur fidelis et verus, qui in justitia judicat pugnat; ... indutus erat vestimento tincto sanguine, vocaturque nomen ejus Verbum Dei, ... ex ore illius exit romphaea: acuta, et per illam percutiet gentes, ac ille 3 pascet eos virga ferrea Apoc. 19:11, 13, 15.
Poznámky pod čarou:
1. The Hebrew here is doubtful. In 3923 Swedenborg has Dan et Javan, adveniens in nundinis tuis, in 10256 and 10258 he has Dan et Javan netum in negotiationibus tuis. The Revised Version (1881–1885) has ‘traded with yarn’ or, in the margin, traded from Uzal. The Revised Version The Revised Version (1881–1885) has Vedan for Dan, but the existence of such a place seems doubtful.
2. Hebrew (zillah) means ‘screen’, or ‘shade’.
4. In Arcana Coelestia 4876 and Apocalypsis Revelata Swedenborg has figulina; in Apocalypsis Explicata fictilia.
3. Greek is poimaino = ‘to shepherd’, hence ‘feed, guide or rule’. The usual verb for ‘rule’ is hegeomai. Cf. Matth. 2:6, Revised Version (1881-1885)
Arcana Coelestia # 4876
4876. ‘Et baculum tuum qui in manu tua’: quod significet per potentiam ejus seu illius veri, constat ex significatione ‘baculi’ quod sit potentia, de qua sequitur; et ex significatione ‘manus’ quod etiam sit potentia, de qua n. 876, 3091, 3387, 3563; ‘qui in manu tua’ dicitur quia significatur potentia illius veri, nempe infimi, quale religioso gentis Judaicae, quae hic Jehudah; quod potentia praedicetur de vero, videatur n. 3091, 3563. Multoties in Verbo 1 memoratur ‘baculus’, et mirum quod vix aliquis hodie sciat quod aliquid i spirituali mundo per illum repraesentatum sit, sicuti quod Moses jussus sit quoties miracula fiebant, ut baculum tolleret, et quod etiam sic facta sint: quod id 2 notum fuerit etiam inter gentiles, constare potest a fabulosis eorum, in quibus magis adscribuntur baculi; quo ‘baculus’ potentiam significet, est quia sustentaculum est, sustenta enim manum et brachium et per illa totum corpus, quapropter indui baculus significationem illius partis quam proxime sustentat, nempe manus et brachii; per utrumque nempe per ‘manum et brachium’ 3 in Verbo significatur potentia veri; quod etiam manus et brachium 4 correspondeat ei in Maximo Homine, videbitur ad finem capitum.
[2] Quod per ‘baculum’ repraesentata sit potentia, patet, ut dictum ab illis quae de Mose memorantur,
Quod nempe jussus sumere baculum, quo facturus miracula; ... et quod sumpserit baculum Dei in manu sua, Exod. 4:17, 20:
Quod baculo percussae aquae in Aegypto factae sanguis, Exod. 7:15, 19:
Quod baculo extenso super flumina, productae ranae, Exod. 8:1-11[KJV 5-15]:
Quod percusso pulvere per baculum facti pediculi, Exod. 8:12-16[KJV 16-20]:
Quod baculo extenso versus caelum facta grando, Exod. 9:23:
Quod baculo extenso super terram productae locustae, Exod. 10:3-21;
quia ‘manus’ est principale per quam significatur potentia, et ‘baculus’ est instrumentale, ideo etiam, Facta sunt miracula cum extenderetur manus, Exod. 10:12, 13: Quod sublata manu versus caelum, facta caligo super terra Aegypti, Exod. 10:21, 22. Et extensa manu super mare Suph, per ventum orientalem factum mare in siccum, et iterum extensa manu reversae aquae, Exod. 14:21, 26, 27.
[3] Porro Petra Horebi percussa 5 per baculum, effluxerunt aquae, Exod. 17:5, 6; Num. 20:7-10: 6 cum Joshua 7 pugnaret contra Amalekum,
Dixit Moses ad Joshuam, Elige nobis viros, et exi, pugna cum Amalek; cras ego stabo super capite collis, et erit baculus Dei in manu mea; ... et factum 8 , cum sustulit Moses manum suam, praevaluit Israel, et quando dimisit manum suam, praevaluit Amalek, Exod. 17:[9, ] 11, 12;
ex his manifeste patet quod ‘baculus’ sicut manus repraesentaverit potentiam, et in supremo sensu omnipotentiam Divinam Domini; et quoque inde evidens est quod eo tempore repraesentativa constituerint externa Ecclesiae et quod interna quae sunt spiritualia et caelestia qualia in caelo, illis corresponderint, et quod inde 9 efficacia eorum; ex eo etiam patet quantum insaniunt qui credunt quod in baculo aliqua potentia fuerit, aut in manu Mosis, per infusionem.
[4] Quod ‘baculus’ sit potentia in sensu spirituali, etiam 10 patet a pluribus locis apud Prophetas, ut apud Esaiam,
Ecce Dominus Jehovah Zebaoth removens ex Hierosolyma... baculum et scipionem, omnem baculum panis, et omnem baculum aquae, 3:1;
‘baculus panis’ pro sustentaculo et potentia ex bono amoris, ‘baculus aquae’ pro sustentaculo et potentia a vero fidei; quod ‘panis’ sit bonum amoris, videatur n. 276, 680, 2165, 2177, 3464, 3478, 3735, 3813, 4211, 4217, 4735; et quod ‘aqua’ verum fidei, n. 28, 680, 739, 2702, 3058, 3424; baculus panis similiter 11 apud Ezechielem' 4:16; 5:16; 14:13; Ps. 105:16:
[5] porro apud Esaiam,
Dixit Dominus Jehovih Zebaoth, Ne time, popule Mi, habitator Zionis ab Asshure, qui virga percutiet te, et baculum tollet super te in via Aegypti.... Excitabit contra illum Jehovah flagellum juxta plagam Midianis in petra Oreb, et baculus ejus super mari, quem tollet in via Aegypti, 10:24, 26;
ibi ‘baculus’ pro potentia ex ratiocinatione et scientia, qualis est illorum qui ratiocinantur ex scientificis contra vera fidei, et illa pervertunt vel nihili faciunt; haec significantur per ‘virgam qua Asshur 12 percutiet’, et per ‘baculum quem 12 tollet in via Aegypti’; quod ‘Asshur’ sit ratiocinatio, videatur n. 1186, et quod ‘Aegyptus’ scientia n. 1164, 1165, 1186, 1462:
[6] similiter apud Zachariam,
Dejicietur superbia Asshuris, et baculus Aegypti recedet, 10:11:
apud Esaiam,
Confisus es super baculo arundinis contusae, super Aegypto: super qua quando quis nititur, intrat in manum ejus, et perforat illam, 36:6;
Aegyptus' pro scientificis, ut supra, 13 potentia ex illis in spiritualibus est ‘baculus arundinis contusae’; ‘manus quam intrat et perforat’ est potentia ex Verbo:
apud eundem,
Confregit Jehovah baculum improborum, virgam dominantium, 14:5;
[7] ‘baculus et virga’ manifeste pro potentia: apud Jeremiam,
Dolete omnes circuitus Moabi, ... dicite, Quomodo fractus est baculus roboris, baculus decoris, Jer. 48:17 14 ; ‘baculus roboris’ pro potentia ex bono, et ‘baculus decoris’ pro potentia ex vero:
[8] apud Hoscheam,
Populus Meus lignum suum interrogat, et baculus ejus respondet illi quia spiritus scortationis seduxit, 4:12 15 ; ‘interrogare lignum’ pro consulere mala, 16 baculus' respondet pro quod falsum inde, cui potentia ex malo quod confirmant; ‘spiritus scortationis’ pro vita falsi ex malo:
apud Davidem,
Etiam cum ambulavero in valle umbrae, non timebo mihi malum, quoniam Tu mecum, virga Tua et baculus Tuus consolantur me, Ps. 23:4;
‘virga Tua et baculus Tuus’ pro Divino vero et bono, quibus potentia apud eundem,
Non incumbet baculus impietatis super sorte justorum, Ps. 125:3:
[9] apud eundem,
Conteres eos virga ferrea, sicut vasa figuli disperges eos, Ps. 2:9; ‘virga ferrea’ pro potentia veri spiritualis in naturali, omne enim verum naturale in quo verum spirituale, habet potentiam; ‘ferrum’ est verum naturale, n. 425, 426; similiter apud Johannem, Qui vicerit, et servaverit usque ad finem opera Mea, illi dabo potestatem super gentes, ut pascat eos virga ferrea, sicut vasa figulina conterentur, Apoc. 2:26, 27;
et quoque 17 apud eundem cap. 12:5; 19:15.
[10] Quia 'baculus' repraesentabat potentiam veri, hoc est, potentiam boni per verum, ideo sceptra fuerunt regibus, et sceptra formata sicut baculi breves; per ‘reges’ enim repraesentatur Dominus quoad verum; 18 ipsum regium est Divinum Verum, n. 1672, 1728, 2015, 2069, 3670, 4581; sceptrum est potentia illis non per dignitatem, sed per verum quod imperabit, nec aliud verum quam quod ex bono, ita principaliter Divinum Verum, et apud Christianos Dominus a Quo omne Divinum Verum.
Poznámky pod čarou:
1. nominantur
2. The Manuscript inserts quoque.
3. The Manuscript places this before nempe.
4. correspondeant
5. The Manuscript places this before Petra.
6. The Manuscript inserts pariter.
7. pugnavit
8. The Manuscript inserts est.
9. illis efficacia
10. constat
11. The Manuscript deletes apu.
12. percutit... tollit
13. The Manuscript inserts fides et.
14. The editors of the third Latin edition made a minor correction here. For details, see the end of the appropriate volume of that edition.
15. The editors of the third Latin edition made a minor correction here. For details, see the end of the appropriate volume of that edition.
16. baculus respondit, pro falsis inde, quibus potentia ex malo, quatenus confirmant. Probably confirmant above should have been altered to confirmat, when falsis waschanged to falsum.
17. The Manuscript inserts alibi.
18. The Manuscript inserts ac.
