Novokřesťanské studium Bible

Bible

 

BaMidbar 23

Studie

   

1 ויאמר בלעם אל בלק בנה לי בזה שבעה מזבחת והכן לי בזה שבעה פרים ושבעה אילים׃

2 ויעש בלק כאשר דבר בלעם ויעל בלק ובלעם פר ואיל במזבח׃

3 ויאמר בלעם לבלק התיצב על עלתך ואלכה אולי יקרה יהוה לקראתי ודבר מה יראני והגדתי לך וילך שפי׃

4 ויקר אלהים אל בלעם ויאמר אליו את שבעת המזבחת ערכתי ואעל פר ואיל במזבח׃

5 וישם יהוה דבר בפי בלעם ויאמר שוב אל בלק וכה תדבר׃

6 וישב אליו והנה נצב על עלתו הוא וכל שרי מואב׃

7 וישא משלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישראל׃

8 מה אקב לא קבה אל ומה אזעם לא זעם יהוה׃

9 כי מראש צרים אראנו ומגבעות אשורנו הן עם לבדד ישכן ובגוים לא יתחשב׃

10 מי מנה עפר יעקב ומספר את רבע ישראל תמת נפשי מות ישרים ותהי אחריתי כמהו׃

11 ויאמר בלק אל בלעם מה עשית לי לקב איבי לקחתיך והנה ברכת ברך׃

12 ויען ויאמר הלא את אשר ישים יהוה בפי אתו אשמר לדבר׃

13 ויאמר אליו בלק לך נא אתי אל מקום אחר אשר תראנו משם אפס קצהו תראה וכלו לא תראה וקבנו לי משם׃

14 ויקחהו שדה צפים אל ראש הפסגה ויבן שבעה מזבחת ויעל פר ואיל במזבח׃

15 ויאמר אל בלק התיצב כה על עלתך ואנכי אקרה כה׃

16 ויקר יהוה אל בלעם וישם דבר בפיו ויאמר שוב אל בלק וכה תדבר׃

17 ויבא אליו והנו נצב על עלתו ושרי מואב אתו ויאמר לו בלק מה דבר יהוה׃

18 וישא משלו ויאמר קום בלק ושמע האזינה עדי בנו צפר׃

19 לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃

20 הנה ברך לקחתי וברך ולא אשיבנה׃

21 לא הביט און ביעקב ולא ראה עמל בישראל יהוה אלהיו עמו ותרועת מלך בו׃

22 אל מוציאם ממצרים כתועפת ראם לו׃

23 כי לא נחש ביעקב ולא קסם בישראל כעת יאמר ליעקב ולישראל מה פעל אל׃

24 הן עם כלביא יקום וכארי יתנשא לא ישכב עד יאכל טרף ודם חללים ישתה׃

25 ויאמר בלק אל בלעם גם קב לא תקבנו גם ברך לא תברכנו׃

26 ויען בלעם ויאמר אל בלק הלא דברתי אליך לאמר כל אשר ידבר יהוה אתו אעשה׃

27 ויאמר בלק אל בלעם לכה נא אקחך אל מקום אחר אולי יישר בעיני האלהים וקבתו לי משם׃

28 ויקח בלק את בלעם ראש הפעור הנשקף על פני הישימן׃

29 ויאמר בלעם אל בלק בנה לי בזה שבעה מזבחת והכן לי בזה שבעה פרים ושבעה אילים׃

30 ויעש בלק כאשר אמר בלעם ויעל פר ואיל במזבח׃

   

Ze Swedenborgových děl

 

Arcana Coelestia # 2898

Prostudujte si tuto pasáž

  
/ 10837  
  

2898. The fact that the people of that Church possessed prophetical sayings which in the internal sense had reference to the Lord and His kingdom becomes clear not only from the places quoted above but also from the prophetical words spoken by Balaam, who came from Syria. His words that are recorded in Moses, in Numbers 23:7-10, 18-25; 24:3-10, 15-25, were dictated in a style similar to all the other prophetical sayings in the Word, and plainly foretell the Coming of the Lord in the following words,

I see Him, but not now; I behold Him but not near. A star will come out of Jacob, and a sceptre will rise up out of Israel, and crush the corners of Moab, and destroy all the sons of Sheth. Numbers 24:17.

These prophetical words are likewise called Utterances, for the same term is used to describe those prophetical words in Numbers 23:7, 18; 24:3, 15, 20.

  
/ 10837  
  

Thanks to the Swedenborg Society for the permission to use this translation.

©2024 New Christian Bible Study Corporation. All rights reserved. Printed from newchristianbiblestudy.org