Hlazy 61

Studie

   

1 Hy Khazohpa ei awna he vaw thei la, ei thlahchhâna he nahthlie mah y;

2 ei pathipalôh a panao nota kaokih tawhna heta ei cha pado aw. Lôpanô kei hlâta a sâh viapa liana chata nâ chhi mah y;

3 nâ cha kei pabohna, Khakhaipa zy tawhtapa o sâhpa a i ngaitapa châ tlôh chi ta.

4 Na byureih liata chhâzaw ta y aw na ta: Na mathlaw ry a nyuna su liana chata ei vaw ngia aw! Selah

5 Hy Khazohpa, nâ chata ei chhie sakhâhna biezy nahthlie tlôh chi ta, na moh a chituhpa zy ryutona cha na pie chi ta.

6 Nâ chata abei hro pasihsa aw chi ta; ano kôzy cha chhâ hluhpi tluta a châ aw!

7 Khazohpa hmiakô liata chhâzaw ta a y thlâh ha aw; ano hrôbieh theina awpa ta kyhpachâ ngiachhiena nata hmeihseihna a chhuahnoh mah y!

8 Cha tawhna chata ei chhie sakhâhna biezy noh tato ta ei patlô thei nawpa ta chhâzaw ta na moh reithaipa ta ei sa aw.

Scroll to see more.