Hlazy 32

Studie

         |

1 A hmoparaopa a ngiahthaipa ta y ta, a moleina khupa ta a ypa cha a nohhlao na.

2 Chyhsa, ABEIPA ta hmoparaona hnei leipa ta a pachâpa, a thlahpa liata haidihaiduana rai a y leipa cha a nohhlao na.

3 Ei moleina palâhâh leipa ta ei y nona kha, ei rupazy cha châ khai ha ta nohnoh y ta ei roh tyh.

4 A chhô a zâ ta na ku ta na vaih tlôh ta; ei thatlôna chhao chhiah noh sa hawhta pua a chawh haw. Selah

5 Ei moleina cha nâ lâta cha pahnosa na ta, ei paraona kyh chhao nyu va na; “ABEIPA lâna cha ei hmoparaona ei palâhâh aw,” tah na ta; chatanachata ei moleina thai leina na vaw ngiahthai haw. Selah

6 Chavâta Khazohpa a pachâpa chyhsa to ta hmo naopa ta na y nota nâ lâta thlahchhâ ei se; tilaipizy cha a vaw khô tina chata, ano cha vao chachei aw vei.

7 Nâ cha ei nyuna su châ chi ta, nôpona tawhtapa na hrôhbieh aw chi ta; pachhana hlazy chata eina chadôsa tyh chi. Selah

8 Na siena awpa lâpi cha cha chho aw na ta, ei cha pachu aw; ei mo ta moh lymâna chôta ary ei cha raopa aw.

9 Pahnona hnei leipa arâzy nata sabaitu hawhta y kha u, chazy chhaichhi cha chalihsa nawpa ta chhâri nata daophina ri châ ta, chata leipa ta la na kiapâh lâta a vy aw veih ei.’

10 Hmoparaopa châna chata pachârôhna a hluhpi y aw ta; ABEIPA angiapâtuhpa zy deikua cha a zawngiahna ta tlao a chadô.

11 Chyhsa siapa saih u, ABEIPA liana cha alypa ta thapha teh u, palôhrupa dopa saih u, thapha ngaitapa ta rahao teh u!

Scroll to see more.