1
Hy ABEIPA, ei cha pado aw hih; ei lôpanô, keima lâta na nah pâ kha se, chata leipa ta, nâ ta einâ heisai khiah chi la, Khaotlôpa lâta a zupa zy hawhta ei vaw châ pathlei na.
2
Cha padopa ta ei kuzy he nâ chhyna su pathaihpa lâta ei pazawh khiahtala,ngiachhiepa ta ei hiana ao cha nahthlie mah y.
3
Hmoparaotuhpazy nata moleina hmotaotuhpazy hryta na daophi pa kha y, chazy chata ama vaihzy hnohta adyhna bie reih ei ta, ama palôhrupa liata deikua cha moleina a y.
4
Ama hmotaona lymâ hawhta ama hmotaopa zy molei zie lymâ hawhta viarithô mah y; ama ku ta ama hriana lymâ hawhta thô mah y; ama moleina hlao pahmôsa mah y.
5
ABEIPA raihriazy cha ama pachâ leipa vâta nata a ku ta raihriana chhao ama pachâ leipa vâta, ano chata âmo cha tao pathi leipa ta a parao aw.
6
ABEIPA cha reithai ta y mawh sy! ei hiana ao cha eina thei hapa vâta.
7
ABEIPA cha ei thatlôna nata ei vyhphao a châ; ei pathipalôh heta ano cha ngâ ta; baopa ta y na ta, ei palôh he aly ngaita kaw ta, ei hla ta ano la alyna ei hlâ.
8
ABEIPA cha a chyhsa zy thatlôna châ ta, a sathaw thupa châna cha a pachhana thokhy a châ.
9
Na chyhsa zy pachha la, na ryutona cha byhnâ pie teh; âmo cha pasa la, chhâzaw ta a pyh mah y.