Hlazy 2

Studie

          |

1 Pho to cha khazia ama patypamâ tly? He chyhsa to ta khazia e, phina phahnai leipa zy ama pachâ?

2 Alei abeizy a hmaoh ei ta. ryureituhpazy chata ABEIPA nata a sathaw thupa cha thyuhnaopa ta tei ei ta,

3 “Ama chahrynazy he pachiepa ta,ama khawhrizy he keimo tawhta thy syulyu ei suh vy,” tahpa ta.

4 Avâ liata atyuhpa cha pahnei ta. ABEIPA chata âmo cha a pahneisao.

5 Cha tina chata pathi-iapa ta amo hnohta bie reih ta, pathi-ia ngaitapa ta ama nô a paposa.

6 “Keima tlaita ei tlâh pathaihpa Zaio liata ei abeipa cha ei patyusa haw,” tahpa ta.

7 ABEIPA bieraopa cha ei chho aw: ABEIPA chata ei hnohta. Nâ la ei sawchapawpa châ chi ta, atanoh he na paw ei vaw châ haw.

8 Na hiah la, chatanachata phopi cha na ryutona châta ei cha pie aw, kaokih chhâna na ryu châta ei cha pie aw.

9 Âmo cha thua chôhchahrei ta parao aw chi ta, beihvituhpa beih a pakeipa hawhta a zaona taihta na pakei aw,” tah ta.

10 Chavâta hy abeizy saih u, so bâ ula; alei liata ryureituhpazy chhoreipa ta y bâ teh u.

11 China chôta ABEIPA chakao ula.

12 chalyuna chôta a hmiakô liata a bôh teh u, chata leipa ta la a hiehâh aw ta, lâpi liata a cha pahleipadia aw ei; a pathi cha thlai ia tlôh ta.

Scroll to see more.