Hlazy 19

Studie

         |

1 Avâzy khita Khazohpa rôhnah zie pahnosa ei ta; a ruapa kawh ngaitapa khita a ku zôthaina a palâsa.

2 Chhô heta chhô vaw tlô awpa hnohta bie reih pachhuah ta. zâ heta zâ vaw tlô awpa hnohta pahnona chho pachhuah ta.

3 Biereipa nata reihpathliena rai y vei; ama ao cha thei theipa châ leipa ta;

4 ama ao cha khizaw zydua liata chahryh khai ta, ama biezy cha khizaw chhâna taih a pathâh. Cha liana chata noh châta poh-o parai ta.

5 cha noh cha myuhneituhpa a chhôhpadâhpa tawhta a vaw puapa hawhta a châ, chyhsa thatlôpa a râna awpa liata aly ngaitapa hawhta.

6 A vaw chhina cha avâ chy chhâna tawhta châ ta, a chy chhâna lâ taihta padô ta; a lalôhpa pahno leipa ta nyupa hmo rai y vei.

7 ABEIPA ryhpa cha phapaki ta, hrona a taopathi; ABEIPA palâhâhna cha ngâ a chhih ta, a hrupa a pasosa;

9 ABEIPA ryhpa cha pathaih ta, chhâzaw châta a y tyh; ABEIPA pachiana cha hmeihseih ta, â do ngâsâ sai.

10 Cha cha ngôh hlâta khochhih viapa châ ta, ngôh suapa hlâ chhaota; kheihti nata kheihthlaw hlâta chhao a thlôh via syulyu.

11 Cha leipazy chhao chata na chakaotuhpa he chhoreipa ta ei y tyh; cha hawhpa a pyhpa cha lymâ thata hneina a châ tyh.

12 Ahyma ano hmoparaona a pahno thei? Moleina nyupa tawhtapa he na pathaih mah y.

13 Molei raruah lei awpa ta na chakaotuhpa he khâchâ na patu la; ei chô liata bie pahneisa khah y! Chatanachata seina hnei leipa ta ei y aw, moleina hluhpi hryta thai châpa ta ei y aw.

14 Hy ABEIPA, ei lôpanô nata ei chatlaituhpa, ei pakah liata bie a puapa nata ei palôh liata pachâna zy he na mohmô ta aly tlâhpa châ mawh sy.

Scroll to see more.