Hlazy 18

Studie

  

1 Hy ABEIPA, ei thatlôna, kyh ei cha pachâ na.

2 Ei Khazohpa, ei lôpanô, ano liana chata ei ngâ aw, ei vyhphao nata ei pachhana ki nata ei kuh osâhpa a châ.

3 Reithai tlâh ABEIPA, cha aw aw na ta, chatanachata ei chariahpazy tawhta pachhapa ta ei y aw.

4 Thina khawhrizy chata na chazei ta, leidiana tilaipazy chata eina pachisa;

5 Sheôl khawhrizy chata na chahry ta, thina khoheizy ta eina chô khâh.

6 Ei pachârôhna noh liata ABEIPA cha pado na ta; ei Khazohpa cha na bao awpa ta ei aw tyh. Achhyna-o tawhta ei ao a thei tyh, ei awna ao cha a nahkhao ta thei ta.

7 Chatawhcha alei he a chathopa ta a chalyu haw ta; a hiehâhna va chata, tlâhpi zy chhao cha a bôna chhaota a chalyu haw ta.

8 A hnapasu tawhna chata meikhuh cha pua ta, a pakah tawhta mei cha kâ ta; cha chata meihei chhao pakâsa ngâ kaw ta.

9 Ano chata avâzy chhao pabô ta, cho ha ta; a phei ry liana chata zoh kaluhna vaw y ta.

10 Cherubizy chô liata kiah ta, â zaw haw; thlih mathlawzy liana chata thlai a zaw ta.

11 Zohna he a chheipâh zydua liata khu awpa ta tao ta, ti liata zohna avâ meihdo chhakalupazy cha.

12 A hmiakô liata khaihna vâna chata meihdo chhakaluhpazy cha pai ta, pareih nata mei-iazy thata a suah.

13 ABEIPA cha vâ liana khita a thua ngâ ta, Chônôchaipa cha a ao papua ta, pareihzy nata mei-iazy thata a suah

14 Chatawhcha a châtai ka ta. a papai khai haw; dôhlazy pathlisa ngâ ta, a patypamâ hra.

15 Cha tina chata, hy ABEIPA, rana vâta, na hnapasu tawhta hu a puapa ta, thata a hmôpa vâta ti lonazy cha a vaw lâ ta, aleilô bônazy cha palâsapa ta a y haw.

16 Ano cha a chôlâ tawhta na za paza ta, na patu ta, ti hluhpi tawhtapa einâ daophi.

17 Na khakhaipa thatlôpa tawhta na pachha ta, nâ haotuhpa tawhtapa chhao; keima châta cha ama thatlô tu haw tlôh ta.

18 Âmo cha ei vâchhie tyh noh liana chata na tei ei ta; châhrasala ABEIPA ei chhaina chaipa a châ.

19 Ano chata su tlytlôpapi lâta nâ chhi ta; ei chôta alypa vâta eina pachha haw.

20 ABEIPA cha ei siana zie hawhta lymâ na pie ta; ei kuzy pathaina zie hawh tlaita eina thô hra.

21 ABEIPA lâthlôh cha a chhih na ta, ei Khazohpa tawhtapa moleipa ta pavia sai tlôh lei khâh na ta.

22 A ryureina zydua ei hmiakô liata y ta, a ryhraopazy cha thy beih tlôh leipa na ta.

24 Chavâta ABEIPA chata ei siana zie hawhta viari na thô ta, ei kuzy a mohmô ta a siapa zie lyma hawhta.

25 Ngiachhie theipa liana cha ngiachhiena a palâsa chi ta; seina hnei leipa ota seina hnei leipa ta na palâsa;

26 a pathaihpa liata pathaihpa ta a palâsa chi ta; chhorupa liata chhorupa ta na palâsa hra.

27 Chyhsa a reisipa cha pachha aw chi ta; mokhaoh apalaipazy deikua cha na panawhsa aw.

28 Nâ ta ei meiôh na pakhaihpa aw chi ta; ABEIPA ei Khazohpa chata ei zohna kyh he a pakhaisa aw.

29 Na baopa ta chariah a zawhnao na ta; ei Khazohpa baopa ta kuh pâhchhô ei zaw pakhô.

30 Khazohpa lâpi he phapaki ta; ABEIPA bietai cha â do tahpa ta pasiapa a châ haw; ano liata ngâna a pahniehpa zydua châta vyhphao a châ.

31 ABEIPA dei leipa cha ahy e Khazohpa a y? Eima Khazohpa dei leipa ta ahy e lôpanô a y?

32 Thatlôna ta ei chai nâ saihtuhpa nata ei lâpi thlahpalôhtuhpa Khazohpa cha.

33 Ano chata ei phei he sasu phei hawhta tao ta, su sâhpazy liata eina paysa.

34 Ei ku he adyuh thaipa ta na pachu ta, chavâta ei bâhzy heta dawh libaw chhao â kei thei.

35 Nâma ta na pachhana vyhphao na pie chi ta, na ku chachâh lâta na cha-ao chi ta, na nôphana ta eina palaisa chi.

36 Ei ry liata ei keih chakâna pakawh chi ta, chavâta ei pheizy cha a hai vei.

37 Ei chariahpazy a chadai na ta. ei pha aw ei; pahleipadia khaipa ta ama y khai hlâ lei cha kua aw va na.

38 Ama thyu thei khao leina awpa ta. ei chhawh pathlah ei; ei phei ry liana cha ama pao.

39 Nâma ta adyuhna châta thatlôna ei chai liata na pasai chi ta; nâ dyuhtuhpazy cha ei ryta na panawhsa haw.

40 Nâ haotuhpazy cha ei pahlei theina awpa ta, nâ ta na dyuhtuhpazy cha keima tawhta hnôh lâ na pakuasa ei.

41 Âmo cha baona hiapa ta awh ei ta. a pachha awpa y veih ei, ABEIPA cha aw ei ta, châhrasala a chhy tlôh va.

42 Ziza ta buchadoh a phaohpa hawhta chhei padi khai ei na ta; tlyhmia chiatlao hawhna heta ei thy pathlah khai ei.

43 Nâ ta zawpi amâ tuna tawhta na pachha chi ta; phopizy luhpa châta eina tao chi; ei pahno beih leipa chyhsa to eina chakao ha aw ei.

44 Ei bie ama pahno pata nahta ei rei a ngiah aw ei ta; khichhaipazy chata einâ ngiarih ei.

45 Khichhaipazy palôh dia ta, ama su a ipa tawhta a chalyuna chôta ama pua aw.

46 ABEIPA cha a hroh thlâh haw; ei lôpanô cha reithaipa ta y mawh sy, ei pachhana Khazohpa cha reithaipa ta y mawh sy,

47 ei phuh na lapatuhpa nata chyhsa na pahniepatuhpa Khazohpa cha;

48 ano chata ei khakhaipazy tawhta na pachha ha ta; nâ ta na thyuhnaotuhpazy chô lâna chata na chalo chi ta; chyhsa nôchhiepazy tawhtapa eina pachha chi.

49 He vâna heta hy ABEIPA, phopizy hry liana chata ei cha reithai aw, na moh reithaipa ta ei sa aw.

50 Ano chata a beipa hnohna chata pahniena rôhnah ngaitapa pie ta, a sathaw thupa Davi nata a pathlazy ota, chhâzaw ta kyhpachâna a palâsa aw.

  
Scroll to see more.