1
Hy ABEIPA, khachâ e? Eina my lymâ aw chi? Khachâ e keima tawhta na hmia cha na nyu aw?
2
Khachâ e palôhrupa rietheipa ta nata noh y ta palôh pasapa ta ei y aw? Khachâ e, ei khakhaipa cha ei chôta palyupalihpa ta a y?
3
Hy ABEIPA ei Khazohpa, pachâ la nâ chhy mah y; ei mo na pavâhsa pa la,chata leipa ta la thina a mopa ta ei mô aw na;
4
chata leipa ta ei khakhaipa chata, “Ei pahnie haw,” a tah pathlei aw na; a chalyu aw na ta. ei dyuhtuhpa cha a thapha pathlei aw na.
5
Châhrasala kei la na kyhpachâna he khâchâ ei ngâ; na pachhana kyh liana heta ei palôh â ly aw.
6
Ei chôta hmopha ngaitapa a tao hapa vâta, ABEIPA lâna cha alyna hla ei sa aw.
