Hlazy 12

Study

          |

1 ABEIPA, na bao la; Khazohpa kyhpachâpa y khao tlôh lei khâh ei ta; chyhsa sawzy hry tawhta ngâchhihpa lei khai ha tlôh ei ta.

2 Chyhsa to ta ama vaihzy ota haipa bie reipa ta; reithai pakheina hmao phaohpa nata haidi-haiduana palôh phaohpa ta ama reih.

3 ABEIPA chata reithai pakheipa hmao cha tai pathla aw ta, a palaipateina paleih chhao,

4 â mo chata, “Eima paleih ta pahnie aw pi ta, eima hmao cha keimo lia y ta; ahyma eima chôta abeipa a y?” ama tah.

5 “Sipasapazy ama pasaipa-ipa vâta nata dyhchhiepazy a rôhnah vâta, thlai thyu aw na ta; amâ ngiana hawhta a bohpata ta ei paysa aw,” ABEIPA chata a tah.

6 ABEIPA bietaipa cha bietaipa pathaihpa châ ta, tâkâ alei liata mei ta pasiapa ta, ei sari ta pasia chiehpa hawhta a châ.

7 Hy ABEIPA, nâ ta miah pabohsa la, he chhâ tawhtapa he chhâzaw ta miah vaih mah y.

8 Ei chheipâh zydua liana cha hmoparaopazy ta na chadô ei ta, chyhsa sawzy hry liana cha moleina he palyupalihpa a châ.

Scroll to see more.