Malureina 26

Studie

  

1 Hriena a pai tawhna chata ABEIPA ta Mawsi nata theihthaipa Arawna sawchapawpa Eliaza cha bie chho ta.

2 “Izarel pathlazy pôhpakhypa sahlao zydua cha, kô syno rakha tawhta a chôlâ, a chi chi ta, Izarel râh liata chariahna lâta a sie theipa zydua reih khai teh u,” tahpa ta.

3 Mawsi nata theihthaipa Eliaza chata Zerikô dady Zawdâh kiapâh, Môaba bypi liata âmo sahlao cha bie a chho ei ta.

4 “Zawpizy cha kô syno tawhta a chôlâ reih teh u,” tahpa ta ABEIPA ta Mawsi nata Izi râh tawhta a vaw puapa Izarel pathlazy hnohta bie a piepa hawhna khata.

5 Izarel saw tuapa Rubena; Rubena pathlazy: Hanôka tawhtapa, Hanôka mozy;

6 Hezraw tawhtapa, Hezraw mozy; Kami tawhtapa, Kami mozy.

7 He sahlao he Rubena mo pathlazy ama châ; ama maluhzy cha thy palih nata sâh thôh nata za sari nata sythôh ama châ.

8 Palu sawchapawpazy; Eliaba.

9 Eliaba sawchapawpazy: Nemuel, Datha nata Abira ama châ. He Datha zy nata Abira zy he, ABEIPA amâ dyuh no ta, Mawsi nata Arawna a dyutuhpa, Kôra py liata a hlaopa pôhpakhypa sahlao a tlyhpazy cha ama châ.

10 cha py ama thi nona chata alei ta a pakah â ta, Kôra zy chhao hmaohkha ta palâ ta, mei ta chyhsa za no nata sypangawh a palâ nona khata; pahnona vaw châ haw ei ta.

11 Anodeikuacha Kôra sawchapawpazy cha thi veih ei.

12 Ama chhôhkha â pazinazie lymâ hawhta Simeona pathlazy: Nemuel tawhtapa, Nemuel mozy; Zamina tawhtapa, Zamina mozy; Zakhi tawhtapa, Zakhi mozy.

13 Zera tawhtapa, Zera mozy; Shaul tawhtapa, Shaul mozy ama châ.

14 Hezy he Simeona pathlazy cha châ ei ta, thy no nata sâh no nata za no ama châ.

15 Ama chhôhkha â pazinazie lymâ hawhta Kada pathlazy: Zephô tawhtapa, Zephô mozy; Haki tawhtapa, Haki mozy; Shuni tawhtapa, Shuni mozy.

16 Ôzni tawhtapa, Ôzni mozy; Eri tawhtapa, Eri mozy;

17 Arôda tawhtapa, Arôda mozy; Areli tawhtapa, Areli mozy.

18 Hezy he ama reina yzie hawhta Kada sawchapawpazy pathlazy châ ei ta, thy palih nata za pangawh ama châ.

19 Zudah pathlazy Era nata Ôna; Era nata Ôna cha Kana râh liata thi ei ta.

20 Zudah pathlazy chhôhkha pazinazie cha he hawhna heta a châ; Selah tawhtapa, Selah mozy; Phare tawhtapa, Phare mozy; Zera tawhtapa, Zera mozy ama châ.

21 Phare pathlazy cha: Hezraw tawhtapa, Hezlaw mozy; Hamu tawhtapa, Hamu mozy ama châ.

22 Hezy he ama reinazie hawhta Zudah pathlazy cha châ ei ta, thy sycharu nata thy kha nata sâh charu nata za pangawh ama châ.

23 Ama chhôhkha â pazinazie lymâ hawhta Iskara pathlazy: Tôla tawhtapa, Tôla mozy; Pua tawhtapa, Pua mozy;

24 Zasu tawhtapa, Zasu mozy; Shimro tawhtapa, Shimro mozy ama châ.

25 Hezy he ama reinazie hawhta Iskara pathlazy châ ei ta, thy charu nata sâh palih nata za thôh ama châ.

26 Ama chhôhkha â pazinazie lymâ hawhta Zebulawna pathlazy: Sere tawhtapa, Sere mozy; Elaw tawhtapa, Elaw mozy; Zalel tawhtapa, Zalel mozy ama châ.

27 Hezy he ama reinazie hawhta Zebulawna mozy pathlazy cha châ ei ta, thy sycharu nata za pangawh ama châ.

28 Ama chhôhkha â pazinazie lymâ hawhta Zawsi pathlazy: Manase nata Ephrai.

29 Manase sawchapawpazy: Makhia tawhtapa, Makhia mozy; Makhia ta Kilia sa ta; Kilia tawhtapa, Kilia mozy ama châ.

30 Hezy he Kilia pathlazy ama châ: Iza tawhtapa, Iza mozy; Hele tawhtapa Hele mozy.

31 Asriel tawhtapa Asriel mozy; Sekhe tawhtapa, Sekhe mozy.

32 Shemidah tawhtapa, Shemidah mozy; Hepha tawhtapa, Hepha mozy ama châ.

33 Hepha sawchapawpa Zelopheha chata sawchapawpazy hnei leipa ta, sawchanônôzy hnei ta, Zelôpheha sawchanônôzy moh cha Mahla zy, Naw zy, Hôklah zy, Milka zy, Tirzah zy ama châ.

34 Hezy he Manase pathlazy ama châ; ama reipa zydua cha thy pangawh nata sâh no nata za sari ama châ.

35 Hezy he ama chhôhkha a pazinazie lymâ hawhta Ephrai pathlazy ama châ: Shuthela tawhtapa, Shuthela mozy; Bekha tawhtapa, Bekha mozy; Taha tawhtapa, Taha mozy ama châ.

36 Hezy he Shuthela pathlazy ama châ: Erana tawhtapa, Erana mozy ama châ.

37 Hezy he ama reinazie hawhta Ephrai pathlazy chhôhkha châ ei ta, thy thôh nata sâh no nata za pangawh ama châ. Hezy he ama chhôhkha a pazinazie lymâ hawhta Zawsi pathlazy ama châ.

38 Ama chhôhkha a pazinazie lymâ hawhta Benzami pathlazy: Bela tawhtapa, Bela mozy; Asbel tawhtapa, Asbel mozy; Ahirama tawhtapa, Ahirama mozy.

39 Shephupha tawhtapa Shephupha mozy; Hupha tawhtapa, Hupha mozy ama châ.

40 Bela pathlazy cha Arada nata Naama ama châ: Arada tawhtapa, Arada mozy; Naama tawhtapa, Naama mozy ama châ.

41 Hezy he ama chhôhkha a pazinazie lymâ hawhta Benzami pathlazy ama châ; ama reipa zydua cha thy palih nata sâh pangawh nata za charu ama châ.

42 Hezy he ama chhôhkha a pazinazie lymâ hawhta Dana pathlazy ama châ; Shuha tawhtapa Shuha mozy ama châ. Hezy he ama chhôhkha a pazinazie lymâ hawhta Dana pathlazy ama châ.

43 Shuha mozy pathla zydua ama reinazie hawhna chata thy charu nata sâh palih nata za palih ama châ.

44 Ama chhôhkha a pazinazie lymâ hawhta Asera pathlazy; Imnah tawhtapa, Imnah mozy; Ishvi tawhtapa, Ishvi mozy, Beriah tawhtapa Beriah mozy ama châ.

45 Beriah pathlazy: Heba tawhtapa, Heba mozy; Malkhiel tawhtapa, Malkhiel mozy ama châ.

46 Asera sawchanônô moh cha Serah a châ.

47 Hezy he Asera sawchapawpazy pathlazy ama reipazy cha châ ei ta, thy pangawh nata sâh thôh nata za palih ama châ.

48 Ama chhôhkha a pazinazie lymâ hawhta Nathlai pathlazy: Zahzel tawtapa, Zahzel mozy, Kuni tawhtapa, Kuni mozy.

49 Zeza tawhtapa, Zeza mozy; Shile tawhtapa, Shile mozy ama châ.

50 Hezy he ama chhôhkha a pazinazie lymâ hawhta Nathalai pathlazy ama châ; ama reipa zydua cha thy palih nata sâh pangawh nata za palih ama châ.

51 Hezy he Izarel pathla ama reipa zydua châ ei ta, thy sycharu nata sâh kha nata za sari nata sythôh ama châ.

52 ABEIPA ta Mawsi chho ta.

53 “He sahlao he ama mo hluhnazie lymâ hawhta lyurâhpa he rai awpa a châ.

54 A hluh viapazy cha râh a hluh via pie aw chi ta, a chyh viapazy cha râh a chyh via pie aw chi ta; reinazie hawhna chata râh pie chyu awpa a châ.

55 Anodeikuacha pachaopa ta râh cha rai awpa a châ; ama mahpawzy pho moh a pazinazie lymâ hawhta râh cha ama to aw.

56 Pachaopa lymâ hawhta râh cha a hluhpa nata a chyhpazy hnohta raipa a châ aw,” tah ta.

57 Hezy he Livai sahlao ama chhôhkha a pazinazie lymâ hawhta reipazy cha ama châ: Kasao tawhtapa, Kasao mozy; Kôha tawhtapa, Kôha mozy; Merari tawhtapa, Merari mozy ama châ.

58 He sahlao he Livai pathlazy ama châ; Libni pathlazy, Hebraw pathlazy, Mahli pathlazy, Musi pathlazy, Kôra pathlazy ama châ. Kôha cha Amira paw châ ta.

59 Amira lahpinô moh cha Zôkebe, Livai sawchanônô, Izi râh liata Livai liata a sapa châ ta; ano chata Amira liata Arawna nata Mawsi nata a sietanô Miria sa ta.

60 Arawna chata Nada zy, Abihu zy, Eliaza zy, Ithama zy sa ta.

61 Nada nata Abihu cha ABEIPA hmiakô liata hmâh lei awpa chi, mei ama hmâh raruah nona khata thi ei ta.

62 Maluh reipa zydua chapaw thla kha tawhta a chôlâ cha thy no nata sâh thôh ama châ; Izarel chyhsazy hry liata râh pachhaihpa a to hra awpa ama châ leipa vâta Izarel chyhsazy hry liata reipa châ leipa ei ta.

63 Hezy he Zerikô dady Zawdâh kiapâh Môaba bypi liata Izarel pathlazy a reihtuhpa Mawsi nata theihthaipa Eliaza ta ama reipazy cha a châ.

64 Sinai râhpathohpa liata Izarel chyhsazy Mawsi nata theihthaipa Arawna ta ama reipazy kha, pakha hmahta y khao leipa ei ta.

65 ABEIPA ta, “Râhpathohpa liata ama thie thlyu awpa na a châ,” tah haw tlôh ta. Zephune sawchapawpa Kaleba nata Nuna sawchapawpa Zawsua leipa ta cha ahyhmah a hrohpa y khao veih ei.