Nehemia 12

Study

          |

1 Shaltiel sawchapawpa Zerubabel nata Zesua hnohta a khypa theihthaipa zy nata Livai sahlaozy cha hezy he ama châ: Seraiah zy, Zeremiah zy,

2 Amaria zy, Malu zy, Hatu zy,

3 Shekaniah zy, Rehu zy Meremô zy,

4 Idô zy, Kinethô zy, Abizah zy,

5 Miami zy, Maadiah zy, Bilka zy,

6 Shemaiah zy, Zôiari zy. Zedaiah zy,

7 Salu zy, Amôka zy, Hilkiah zy, Zediah zy. He sahlao he Zesua a hro nota theihthaipa hryta nata ama unawhpa zy hryta a hyutuhpa zy ama cha.

8 Chazy leipa chhao Livai sahlaozy: Zesua zy, Binui zy. Kadmiel zy, Sherebiah zy, Zudah zy alyna bie reina liata hyutuhpa Mataniah zy, ano nata a unawhpa zy cha.

9 Babukia nata Uni nata ama unawhpa zy chhao cha a py py ta adadypa ta y tyh ei ta.

10 Chatawhcha Zesua chata Zôiaki sa ta, Zôiaki chata Eliashi sa ta, Eliashi chata Zôiada sa ta,

11 Zôiada chata Zawnatha sa ta, Zawnatha chata Zadua sa ta.

12 He sahlao he Zôiaki hro nona chata theihthaipa ama chhôhkha pawhrâhpa zy ama châ: Seraiah pathla liatahpa Merai zy; Zeremiah pathla liatahpa Haniah zy;

13 Ezra pathla liatahpa Mesula zy: Amaria pathla liatahpa Zehôhana zy;

14 Maluki pathla liatahpa Zawnatha zy; Shebaniah pathla liatahpa Zawsi zy;

15 Hari pathla liatahpa Adana zy: Meraiô pathla liatahpa Helkai zy;

16 Idô pathla liatahpa Mesula zy;

17 Abiah pathla liatahpa Zikri zy; Miniami pathla liatahpa zy, Môadiah pathla liatahpa Piltai zy;

18 Bilka pathla liatahpa Shamua zy; Shemaiah pathla liatahpa Zehônatha zy;

19 Zôiari pathla liatahpa Matenai zy; Zedaiah pathla liatahpa Uzi zy;

20 Salu pathla liatahpa Kalai zy; Amôka pathla liatahpa Eba zy;

21 Hilkiah pathla liatahpa Hasabiah zy; Zedaiah pathla liatahpa Nethanel zy.

22 Eliashi zy, Zôiada zy, Zôhana zy, Zadua zy hro nota Livai sahlaozy cha chhôhkha pawhrâhpa ta ropa châ ei ta; Persia chyhsa Daria a bei nota theihthaipa zy chhao.

23 Eliashi sawchapawpa Zôhana hro no taihta Livai saw chhôhkha pawhrâhpa zy cha thâtih rona châbu liana chata ropa ta ama y.

24 Chatawhcha Livai sahlao pawhrâhpa zy: Hasabiah zy, Sherebiah zy, Kadmiel sawchapawpa Zesua zy nata unawhpa Khazohpa chyhsa Davi a piepa hawhta a py py ta adadypa ta reithaipa nata alyna bie a reituh awpa zy chhaota.

25 Mataniah zy, Babukia zy, Ôbadia zy, Mesula zy, Talmô zy, Aku zy cha ochhi kiapâh ta hmo sona o nata chhikao vaihtuhpa zy ama châ.

26 Hezy he Zesua, Zôzada sawchapaw sawchapawpa Zôiaki a hro no tahpa nata râh avaotuhpa Nehemia nata Ezra theihthaipa nata chârohtuhpa hro no tahpa châ ei ta.

27 Zerusale kuh ama hlâna liana chata paotlâ zy, tlaipi zy, totâ zy chhaota, hlasapa nata alyna bie reipa, aly ngaitapa ta a hlâna liata a hlao awpa ta Zerusale lâ a vaw chhi awpa ta Livai sahlao zy cha ama su zydua tawhtapa tlua khai ei ta.

28 Zerusale chheipâh tawhtapa nata Netôpha sahlao khihzy tawhta hla satuhpa sahlao sawzy a pahmaohpakhy ei ta;

29 Bekilka tawhta nata Keba nata Bethamô râh tawhtapa chhao; hla satuhpa zy chata Zerusale chheipâh liana chata khih vaw tao chyu tlôh ei ta.

30 Chatawhcha theihthaipa zy nata Livai sahlaozy cha a pathaisa ei ta; zawpi zy, kuh zy, a ochhi zy pathaisa ei ta.

31 Chatanachata Zudah sahlao molaipa zy cha kuh chô lâna chata a chhi na ta, alyna bie reipa ta a pazipa ta a sie awpa py lai ngaitapa, py no rao na ta. Py kha cha Hnaihny Chhikao lâta kuh chô chachâh lâchhâh ta sie ei ta;

32 âmo cha Hôsai nata Zudah sahlao molaipa khophie zy,

33 Azariah zy, Ezra zy, Mesula zy,

34 Zudah zy, Benzami zy, Shemaiah zy, Zeremiah zy,

35 chiahmie a chabapa theihthaipa sawchapawpa thokha zy; Asapha sawchapawpa Zaku, cha sawchapawpa Mikai, cha sawchapawpa Mataniah, cha sawchapawpa Shemiah, cha sawchapawpa Zawnatha, cha sawchapawpa Zekaria zy;

36 a unawhpa Shemaiah zy, Azarel zy, Milalai zy, Kilalai zy, Maai zy, Nethanel zy, Zudah zy, Khazohpa chyhsa Davi tô tyhpa hmozy a chabapa Hanani zy chata pazi ei ta; chatawhcha chârohtuhpa Ezra ta hmia a sa ta.

37 Tikhao Chhikao ama tlô nahta, kuh lâ khyna a thaona liata ama dady Davi khih hleidy lâ khypa ta, Davi o machhuah lâta sie ei ta, nochhi lâchhâh ta Ti Chhikao tlôna taihta.

38 Alyna bie a reituhpa py hropa zy cha âmo a tyh awpa ta sie ei ta, chatawhcha kei nata zawpi khophie zy chhaota Meihô Patina O sâhpa machhuah lâta kuh chô liata Kuh Chhahpa taihta zi pi ta,

39 Ephrai Chhikao chô liata zy, Chhikao Parohpa chô liata zy, Nga Chhikao chô liata zy, Hananel O sâhpa nata Zakha O sâhpa chô liata zy, Mietahkupa Chhikao tlôna taihta; chatawhcha Vaina-o Chhikao liana chata aduah ei ta.

40 Chatanachata alyna bie a reituhpa sahlao py no zy cha Khazohpa o liata aduah ei ta, kei nata ryureituhpa sahlao khophie zy chhaota;

41 chatawhcha chiahmie a chabapa theihthaipa sahlao Eliakima zy, Maasei zy, Miniami zy, Mikai zy, Eliônai zy, Zekaria nata Hananiah zy chhaota,

42 Maasei zy, Shemaiah zy, Eliaza zy, Uzi zy, Zehôhana zy, Malkizah zy, Elama zy, Eza zy chhao. Chatawhcha hla satuhpa zy chata ama hyutuhpa Zezrahiah zy chhaota a paro ngaitapa ta sa ei ta.

43 Cha noh liana chata atheihna thata hlâ ei ta, thapha ngaitapa ta y ei ta, Khazohpa ta ama tha thata paphasa ta; chatawhcha chanô zy nata hawti zy taih chhaota thaphana cha lâ hlapi tawh chhao thei ei ta.

44 Cha noh liana chata thyuna zy, hiepa hlana zy, chichei hmiatuapa zy, su hrawh liata su khazy sona chhôhpadâhpa zy liata hyutuhpa ryhpa ta a raopa hawhta theihthaipa nata Livai sahlao tovyuh khi to ama taopa lymâ hawhta a pakhytuh awpa zy rao ei ta; Zuzy cha chakaotuhpa theihthaipazy nata Livai sahlao vâna chata aly ngaita ei ta.

45 Ama Khazohpa chakaonazie awpa nata a pathaisana ryhpa cha zyh ei ta, hla satuhpa zy nata ochhivaihtuhpazy chhaota Davi nata a sawchapawpa Sawlawmaw biepiepa hawhna chata.

46 Hlâno ta Davi nata Asapha hro nona chata hla sapa py hyutuhpa y tyh ei ta, Khazohpa reithaina nata alyna hlazy ama sa tyh.

47 Zerubabel hro no nata Nehemia hro nona chata Izarel zydua ta hla satuhpazy nata ochhi­vaihtuhpazy cha noh chareih ta amâ daih awpa ta tovyuh taopa tyh ei ta; chatawhcha Livai sahlao tovyuh pananopa hra ta; chatawhcha âmo Livai sahlaozy cha Arawna sawchapawpazy tovyuh pananopa tyh ei ta.