Zawba 33

Study

          |

1 “Khâpa rai châ sala Zawba y, ei biereipa he nahthlie tua la, ei bie zydua liana heta na nah pachôh tua.

2 Nahthlie teh, ei pakah âpa ta; ei paleih ta bie ei reih hih.

3 Ei biezy ta ei palôh dona zie palâsa ta, ei hmao chhao chata a hmo hmôpa zy cha a chado ngaitapa ta a reih.

4 Khazohpa thlahpa chata na tao ta, Atotaotheipa chata hrona husona eina pie.

5 Na thei khiahta la nâ chhy teh; ei hmiakô liata thapi phia la; na biezy a dopa ta pachâ teh.

6 Khazohpa hmiakô liana cha nâ hawhpa ei châ; kei chhao beihlei tawhta taopa ei châ hra.

7 ei chichhihna ta cha pachisa aw va na; cha tah tu aw va na.

8 “Ei nah theina liata reih haw tlai chita. nâ na bie parona zie chhao ei thei haw.

9 Taopasina hnei va na, ei pathaih na; keima liata moleina y vei, ei pathaih thlâh haw.

10 Ei chô liata ryhpaona tlua ta, a khakhaipa lâta eina reih;

11 ei pheizy liata keihrai na daih ta, ei siena zydua a laichadai,’ tah chi ta.

12 “Ei châ chhy aw na. He kyh liana heta a do va chi. Khazohpa cha chyhsa hlâta a rôhnah via mâ tâh.

13 ‘Kawh kha hmahta nâ chhy vei’ tahpa ta khazia ano nâ dyuh?

14 Khazohpa chata kyh kha liata a reih, ky no ta chhao, châhrasala chyhsa ta pahno thai vei.

15 Mâ ta, zâ ta aluahna liana chata, rakhô liata amâ mô lichih na kha ta,

16 chyhsa zy nahkhao cha pahy ta, ama theipa cha pa-i ta,

17 chyhsa cha a hmotaopa pathleisa ta, a palaina cha nyupa ta a y theina awpa ta;

18 thlâ lâta a khô lei nawpa ta a vao ta, a hrona chhao zaozi tawhta a leidia lei nawpa ta.

19 “Chyhsa cha pasana ta a rakhô liana cha chhorei ta, arupa zydua chaibawh ngâpa ta;

20 chatawhcha pati zy a hao ta. sâh pahâh ngaitapa chhao khoh leipa ta.

21 A sapa thata zaoh ta hmô chhopa chhao châ khao vei, a rupa sai ta y thlâh ha ta.

22 A thlahpa cha thina thlâ kiah a hnia ta, a hrona chhao chata thina a vaw tlôkheituhpa zy a hnia.

23 Vâlyuhchâpa, sazy hry liata pakha chhâ y sala; Khazohpa nata chyhsapa likawh ta lyuhchâpa chata, chyhsapa ta hmo a tao phapa zy chho pasi sala, thi thei leina chyhsa pahno ta piepa cha a hmô thei nawpa ta;

24 chyhsapa ngiachhiena lâta a rei khiahtala a hnohta, Thlâ lâta a khô hlâta pachha mah y, chatlaina ei hmô ha na;

25 a sapa cha vaw thyu pathi heih sala, a thyutlia thatlôna cha vaw kua heih se,’ tahpa ta.

26 Chyhsapa cha Khazohpa lâta hiah ta, ano chata a vaw pyh ta, a ly ngaitapa ta a hmia cha a hmô aw. Chyhsa zy hnohta a pachhana cha pie pakhua aw ta,

27 chyhsazy hmiakô ta hla sapa ta, ‘Molei na ta, hmo dopa cha paraona ta, châhrasala viari na thô vei.

28 Ei thlahpa cha thlâ lâta khô leipa ta na pachha ta, ei hrona chata khaihna a hmô aw’ tahpa ta.

29 “He hmo zydua he ei no nata ei thôh ta a tao; Khazohpa ta chyhsa ta chyhsa hnohta a tao,

30 chyhsa ta thlâ tawhta a vaw kua thei nawpa ta, hrona khaihpa a hmô thei nawpa ta.

31 Zawba y, pakhâ ta naw nahthlie teh; a chalih la, ei vaw reih tua aw.

32 ei nawhpa na pahno khiahtala nâ chhy mah y; reih mah y, thai cha pachâsa awpa ei khoh.

33 A y vei khiahtala na nahthlie mah y; a chalih la, sona ei cha pachu aw,” tah ta.