Zawba 32

Studie

         |

1 He pathôhpa zy heta Zawba cha a chhy khao leipa ei ta, anosasyh ta sia a tah kawpa vâta.

2 Châhrasala Buza chyhsa, Rama pathla, Barakel sawchapawpa Elihu cha a pathi-ia ngâsâ ta. Khazohpa hla chhaota ano thai a pachâsapa vâta Zawba chôta a hie a hâh;

3 Zawba viasa pathôh penawh chô liata chhao a hie a hâh hra, Zawba cha thai lei ama pachâ thlâh hana chôta achhyna awpa ama pahno leipa vâta.

4 Âmo cha ano hlâta a uhthei viapa ama châpa vâta Elihu cha Zawba hnohta bie reih hra leipa ta hâ thlâh ha ta.

5 Elihu cha cha chyhsa pathôh penawh tawhta achhyna rai y khao vei tahpa a pahno nahta a hiehâh ngâsâ kaw ta.

6 arakel sawchawpa Elihu, Buza chyhsa chata a chhy ta: “Kei hawtipa châ na ta, nâmo machâpa châ eichi ta; chavâta chi na ta, ei pachâna zie chhao cha chho ngâh veih ei na.

7 ‘Noh khih pasihpa ta chho sala, kô hluhpa ta sona tlâ pachu se,’ tah na ta.

8 Châhrasala chyhsa liata thlahpa a y, Atotaotheipa so thlupa cha, cha chata pahnona a pahneisa.

9 Kô hluhpa he so hlei leipa ei ta, machâpa he siana pahno hlei veih ei.

10 Chavâta, ‘Na nahthlie ula, ei pachâna zie dua na pareisa hra teh u?

11 “Nahthlie teh u, nama bie hâ thlâh ha na ta. rei awpa nama pathâpazina taih khata, nama biezy nahthlie thlâh ha na ta.

12 A pha ngaitapa ta cha nahthlie ei na ta, Zawba biereipa zy a ei theipa nama hryta y vei eichi.

13 A chado teh u, so ngaitapa eimâ tyh hih, Khazohpa dei leipa ta cha chyhsa ta pahnie theipa châ vei,’ tah la eichi.

14 A bie ta keima na tah leipa ta, nâmo tah zie hawhta a chhy hra aw va na.

15 “Achhyna rai ama pahno khao leipa vâta a thlih thlâh haw ei ta, rei awpa rai hnei khao veih ei.

16 Achhyna awpa rai pahno khao leipa ta amâ duah thlâh haw, reina ama pahno khao leipa cha ei hâ thlâh ha aw ma?

17 Keima ei pata a chhy aw na ta; ei pachâ zie duah ei reih tua hra aw.

18 Biereipa a hluhpi hnei na ta, ei palôh liata a chhao ngâ kaw.

19 Pachâ teh u, ei palôhrupa he kresawti hu puana a hnei leipa hawhta a châ; savo tithei thiehpa hawhta a pa dai hmâ.

20 Tha a dâh theina awpa ta ei rei aw; ei pakah â aw na ta, ei chhy aw.

21 Ahy hmia hmahta moh tiarâh aw va na, ahy hmah ta papyupahly hra aw vana.

22 Papyupahly thai tlôh leipa na ta; chata leipa ta la na Taotuhpa ta thlai eina pachhâsa aw na.