1
Nama hry liata hrohsopa tlyma, mâ chhopasiatuhpa tlyma, vaw y ei sala, pahnona tlyma, hmonoâhpa tlyma cha pamosapa ta a vaw tlô nata."
2
‘Nama pahno beih leipa khazoh hropa zi ei suh u, âmo chakao ei suh u,’ nama hnohta ama tah khiahtala.
3
cha hrohsopa tlyma, mâ chhopasiatuhpa tlyma biezy cha namâ pyh awpa châ vei; ABEIPA nama Khazohpa cha nama pathipalôh tlokhuh ta nata nama palôhrupa tlokhuh ta kyh nama pachâ ma, pachâ vei ma, tahpa pahno pasia nawpa ta a cha pasia ei.
4
ABEIPA nama Khazohpa cha zi aw eichi ta, ano cha chi aw eichi ta, a biepiepazy cha zyh aw eichi ta, a bie reipazy cha a pyh aw eichi ta, chakao aw eichi ta, ano cha khâchâ nama patu awpa a châ.
5
Châhrasala cha hrohsopa tlyma, mâ chhopasiatuhpa tlyma cha thih awpa a châ, Izi râh tawhta cha chhihthapa ta, sei tawhtapa châ chatlaituhpa ei, ABEIPA nama Khazohpa ta a chhih awpa bie a cha piepa lâpi tawhtapa cha cha patleisa awpa ta ABEIPA nama Khazohpa chô liata atyna bie a reihpa vâta. Cha hawhna chata nama hry liata hmo pha leipa cha nama pahlei awpa a châ.
6
Na unawhpa, na nô sawchapawpa tlyma, na sawchapawpa tlyma, na sawchanônô tlyma, na kalachhôh liata na lahpinô tlyma, na viasa nama hrona hawhpa tlyma rai ta, nâ rai ta nama mahpawzy rai ta nama pahno leipa pho hropa.
7
nama kiapâh liatahpa tlyma, â hla viapa tlyma, kaoki tawhta kaoki hiakha lâ taihta khazohzy, ‘Khazoh hropa chakao suh u,* tahpa ta a ru lâta ama cha reipasao khiahtala.
8
â ryh nama tah awpa châ leipa ta, namâ pyh awpa châ hra vei, nama ngiachhie awpa châ leipa ta, nama pahlôh awpa châ leipa ta, nama nyu awpa châ hra vei.
9
nama thie thlyu awpa châ ta; thie awpa ta na ku pathla tua aw chi ta, cha hnôh lâta zawpi zydua ta.
10
Alô ta nama vawh sao awpa a châ. Izi râh tawhtapa sei tawhta châ chhihthatuhpa ei, ABEIPA nama Khazohpa tawhta cha patleisa nawpa ta a tluapa vâta.
11
Chatanachata Izarel mo zydua ta thei aw ei ta, chi aw ei ta, ama hry liata cha hawhpa moleina rai cha tao khao aw veih ei.
12
ABEIPA nama Khazohpa ta nama pahrâ awpa ta a cha piepa nama khih miakha liana chata.
13
nama hry tawhtapa ahy tlyma vaw puapa ta, cha khihpi liata chyhsazy cha nama pahno beih leipa khazoh hropazy achhy awpa ta ama paviasa tahpa bie reipa nama thei khiahtala.
14
hiahri ula, tlua ula, phahnai khoh ngaitapa ta hiahri teh u; chatawhcha bie dopa châ sala, cha hawhpa hmo pasichhihpa nama hry liata taopa a châ tahpa pahno pasiapa a châ khiahtala.
15
zaozi ta cha khih liata a ypazy cha nama thie thlyu awpa châ ta, a chhôh liata a ypa zydua zy, sahroh zawzy chhaota, zaozi ta nama pahleipadia khai awpa a châ.
16
Chatawhcha hraona sôh zydua cha khih liah liata pakhy aw eichi ta, khih nata hraona sôh zydua cha ABEIPA nama Khazohpa lâta raona hlâna ta mei ta rao aw eichi ta; chhâzaw ta alei byuhpa dei châ aw ta, sa pathi heihpa châ khao aw vei.
17
Hraona sôh cha, a kheihawhpa hmahta nama hria awpa châ vei; ABEIPA chata a hiehâhna ru ngaitapa cha pathleih aw ta, zawngiahna cha pahmôsa aw ei ta, cha ngiachhie aw ei ta.
18
ABEIPA nama Khazohpa mohmô liata hmo phapa tao awpa ta biepiepa zydua atahmâ ta ei cha piepa ei he, nama zyh khiahtala a cha papôh aw ei, nama mahpawzy hnohta chhie a vaw sa hawpa hawhna khata.
