2 Samuel 24

Studie

          |

1 ABEIPA pathi-iana cha Izarel zy chô liata sôkha ta vaw thyu ta, “Sie la Izarel chyhsa nata Zudah chyhsa zy reih khai teh,” tahpa ta âmo patypamâ awpa ta Davi chata pasyu ta.

2 Chatawhcha abei chata a hnohta a ypa pheisaih hyutuhpa Zôaba hnohna chata, ”Izarel pho zydua hry liana heta Dana tawhta Besheba taihta a khie la, chyhsa khazie ma ama châ ei pahno thei nawpa ta reih khai teh u,” tah ta.

3 Châhrasala Zôaba chata abei hnohta, “ABEIPA na Khazohpa chata zawpi zy papôhpa ta khazie ta a hluhpa rai, a lie za kha rai, abei ei zibeipa heta hmô mawh sy. Châhrasala abeipa ei zibeipa chata khazia ma pahnopa a byuh tly?” tah ta.

4 Châhrasala abei bie chata Zôaba nata pheisaih hyutuhpa zy cha pahnie haw ta. Chatanachata Zôaba nata pheisaih hyutuhpa zy cha Izarel chyhsa zy reih awpa ta abeipa tawhtapa cha pua haw ei ta.

5 Zawdah haosâ chaka ei ta, Kada saikao liahliah chachâh lâta khih a ypa Arôera liana chata Zaza taihta riehmo tao ei ta.

6 Chatawhcha Kilia râh nata Hiti râh tlô ei ta, chatawhcha Dana za tlô ei ta, Sidaw pangaipa ta si ei ta.

7 Tyre kuh zy tlô ei ta, Hivi sahlao nata Kana mozy khih zydua tlô ei ta.

8 Chatanachata râh zydua ama chahry khai tawhta, thla chaki nata noh syno a leipa ta Zerusale lâ vaw tlô ei ta.

9 Chatawhcha Zôaba chata chyhsa hluhzie cha abeipa pie ta; Izarel râh liana chata zaozi a chabapa chyhsa riahphapa thy sycharie nata Zudah chyhsa cha thy sypangawh y ei ta.

10 Châhrasala chyhsa a rei khai nahta Davi pathipalôh cha pasa kaw ta. Davi chata ABEIPA hnohta, “Ei taopa liana heta thata ei molei haw na. Châhrasala atahmâ he, hy ABEIPA y, na chakaotuhpa paraona he pahlei awpa ta ei châ haw na; hru ngaitapa ta ei vaw tao haw,” tah ta.

11 Chatawhcha my ta Davi a thyu nahta Davi hrohsopa Kada hnohta ABEIPA bie vaw tlô ta,

12 “Sie la, Davi hnohta, ‘ABEIPA ta he tana heta a tah, hmo miathôh cha raopa na ta; na chô liata ei tao awpa ta miakha a tlyh teh,’ a tah na,” tahpa ta.

13 Chatanachata Kada cha Davi lâta vawh ta, a hnohta, “Na râh liana heta kô sari chakâhna a tlô awpa ma? Na khakhaipa hmiakô liata ama châ chadai chhôh thla thôh a râ chypa ma? Na râh liata noh thôh hri chareipa ma? Na tuahtuhpa kheihta ma ei chhy aw? A pachâ la na chho mah y,” tah ta.

14 Chatawhcha Davi chata Kada hnohta, “Ei nô a po kawna; ABEIPA ku liata pao thlu thlâh ha aw sala, a zawngiahna cha thata châ tlôh ta; chyhsa ku liana chata paopa ta na pangiasa kha y,” tah ta.

15 Chatanachata ABEIPA chata Izarel chyhsa zy chô liana chata my tawhta daihti a raopa hawhna chata hri chareisa ta; zawpi hry liata chyhsa cha Dana tawhta Besheba taihta chyhsa thy sari thi ei ta.

16 ‘Chatawhcha vâlyuhchâpa ta parao awpa ta Zerusale lâta a ku hy na ta, ABEIPA lâ hmo pha leipa tao a chhuahpa cha pathlei ta, chyhsa zy a pahleipadiatuhpa vâlyuhchâpa lâna chata, “A daih haw na; ku hy khao khâ,” tah ta. ABEIPA vâlyuhchâpa cha Zebu chyhsa Araunah sawhri kiapâh liana chata y ta.

17 Davi ta chyhsa a thietuhpa vâlyuhchâpa a hmô nahta ABEIPA bie a chho ta. “Vaw molei haw na ta, a do lei ngaitapa ta hmo ei vaw tao haw; châhrasala he mietahkupa zy heta khâpa hmo e ama tao? Na ku chata keima nata ei paw chhôhkhapa zy tlao maniah hria mawh sy,” tah ta.

19 Davi cha ABEIPA lâ bie a piepa hawhta Kada ta a chhopa hawhta khy ta.

20 Chatawhcha Araunah cha a vaw heih ta, ano lâ pangaipa ta; a beipa nata a sahlao zy a vypa cha hmô ta, chatanachata Araunah cha pua ta, a hmia lâta a khupa ta abeipa hmiakô liata pakhu paneih ta.

21 Chatawhcha Araunah chata, “Khâpa vâta e, abeipa ei zibeipa cha a chakaotuhpa lâta â vy tly?” tah ta. Davi chata, “Zawpi zy tawhta hri a pai thei nawpa ta ABEIPA châta maisâh tao nawpa ta na sawhri chalei awpa ta,” tah ta.

22 Chatawhcha Araunah chata Davi hnohta, “Abeipa ei zibeipa chata â ryh a tahpa cha la sala hlâ mawh sy; raopa hlâna châta viahchao tôhpa zy cha y ta, chatawhcha tho chata sawhri chhaichhi zy nata viahchao raopakypa zy cha y ta.

23 Hy abeipa y, he zydua he Araunah ta abeipa a pie khai haw,” tah ta. Châhrasala abeipa chata Araunah hnohta, “Châ bao va, a ty ta a chalei tlai ta tlao ei cha chalei aw; khâpahmah a pahryu leipa ta ABEIPA ei Khazohpa lâta raopa hlâna zy hlâ chachei ta aw va na,” tah ta. Chatanachata Davi chata sawhri nata viahchao tôhpa zy cha tâkâ sekel sypangawh ta chalei haw ta.

25 Chatawhcha Davi ta cha liana chata ABEIPA châta maisâh tao ta, raopa hlâna zy nata aryhna hlâna zy hlâ ta. Chatanachata ABEIPA cha ama râh chô liana chata a palôhpatlâh ta. Izarel râh tawhtapa hri cha a pai haw ta.