2 Samuel 16

Study

          |

1 Davi chata tlâh laki tawhna chata bâhta a pasie ta, Mephibôse chakaotuhpa Ziba chata vaw dy ta, alâ pô no a ky padia ta, viahchhâ tlâ za no nata kre thei chawhpa sao za kha nata nopi noh theilâpa za kha nata kresawti ôh kha paphao sa ta."

2 Chatawhcha beipa chata Ziba hnohta, “Hezy he kheihta zie ta e a châ?” tah ta. Ziba chata, “Alâzy he abeipa chhôhkha zy kia nawpa ta châ aw ta, viahchhâ nata nopinoh theilâpa zy he satlia zy niepa châta châ aw ta, kresawti he cha râhpathohpa liata a thazeipa zy maih dopa châta a châ aw,” tah ta.

3 Chatawhcha abeipa chata, “Cha khiahtala khataih liata e na zibeipa sawchapawpa cha a y? tah ta. Ziba chata abeipa hnohta. “Zerusale liata a y; ‘Atanoh he Izarel sahlao zy chata ei paw khihnarâh eina pie aw ei,’ a tah mâ tâh,” tah ta."

4 Chatawhcha abeipa chata Ziba hnohta, “Mephibôse hmo hneipa zydua cha nâma eih sai a châ khai haw,” tah ta. Chatawhcha Ziba chata, “Ei châ naoh chaimâh na; hy abeipa ei zibeipa y, na mo dypa ta y ei chhuah lymâ aw na,” tah ta.

5 Abeipa Davi ta Bahuri a tlô nahta, Sawla chhôhkha zy hry liatahpa Kera sawchapawpa a moh Shimei vaw pua ta; chhiesana chôta vaw pua ta,

6 Davi cha alô ta vawh ta, abeipa Davi chakaotuhpa zydua chhao; zawpi zydua nata pheisaih riahphapa zydua cha a chachâh lâta nata a chavei lâta y ei ta.

7 Shimei ta chhiesana chôta he tana heta tah ta, “Sie syulyu teh, na thisaih palo a hmâhpa nata moleipa chyhsapa! A ryurei vyuhpa ta na rei hawpa Sawla chhôhkha zy thina cha ABEIPA ta na chô liata vaw paliesa haw ta, ABEIPA chata khihnarâh cha na sawchapawpa Absalaw pie haw ta. Chatawhcha thisaih palo a hmâhpa chyhsa na châpa vâta nâmasasyh chata hmo peipa na tao,” tah ta.

9 Zeruia sawchapawpa Abisai chata abeipa hnohta, “Kheihta zie ta e, he a thiruapa heta abeipa ei zibeipa cha chhie a sapa tly? A luh ei tai aw mâ?” tah ta.

10 Abeipa deikua chata, “Nâmo Zeruia sawchapawpa zy saih u, nâmo heta kei châta nama pahno awpa khâpa a y? ABEIPA ta a hnohta Davi chhiesapa teh,’ a tah tlôh khiahta cha, chhiesa thlâh ha sa, ‘Khazia e, cha hawhta nama tah’ ahy e a tah aw?” tah ta.

11 Davi chata Abisai nata a chakaotuhpa zydua hnohta, “Ei sawchapawpa ei chhôh nâ chhipa tlai chata thie einâ chhuahpa châ ta; he Benzami chyhsa heta a chhuah pachai aw dia! Kheihta hmah tah kha u, chhie cha sa thlâh ha se; ABEIPA patah sapa châ tlôh ta.

12 ABEIPA chata ei riethei zie he vaw hmô aw ta, ABEIPA chata atanoh ei chô liata chhiesapa he a phapa lâta eina thô thei na,” tah ta.

13 Chatanachata Davi nata a chyhsa zy cha lâpi liana chata sie lymâ ei ta, Shimei cha âmo dady ta tlâh hiakha lâna chata sie lymâ ta, a sie nona chata chhie sa lymâ ta, alô zy ta vawh ta, buhchâh zy ta hie ta.

14 Chatawhcha abeipa nata a hnohta chyhsa a ypa zydua chata rietheipa ta Zawdâh tlô ei ta; cha liana chata a tha a pahno ta.

15 Chatawhcha Absalaw nata zawpi zydua Izarel chyhsa zy cha Zerusale lâ sie ei ta, a hnohta Ahithôphel chhao a hlao ta.

16 Chatawhcha Arakhi chyhsa Husai Davi viasapa chata Absalaw lâta a tlô nahta, Husai chata Absalaw hnohta, “Khazohpa ta beichaipa hrôbieh mawh sy! Khazohpa ta beichaipa hrôbieh mawh sy!” tah ta.

17 Absalaw chata Husai hnohta, “He hawhna heta ma na viasapa kyh na pachâna zie cha a châ? Khazia e, na viasa hnohta na sie vei?” tah ta.

18 Husai chata Absalaw hnohta, “Sie aw va na; ABEIPA nata he zawpi zy nata Izarel chyhsa zydua ta amâ tlyhpa reisai ta y aw na ta, ano hnohta tlao ei y aw.

19 Chatawhcha ahy e, ei chakao aw? Na paw ei chakaopa hawhna khata na hmiakô liata ei chakao aw,” tah ta.

20 Absalaw chata Ahithôphel hnohta, “Kheihta e eima tah aw? Na pachâna zie reih tua,” tah ta.

21 Ahithôphel chata Absalaw hnohta, “Na paw nôtho o hâpa châta a sopa hnohta vawh teh, chyhsa zydua ta na paw ta a cha pasi tahpa vaw pahno aw ei ta, chatanachata na chhâh châpa zydua ku cha thatlôpa ta a y aw,” tah ta.

22 Chatanachata o chô liata Absalaw châta poh-o rai ei ta; Izarel mo zydua mohmô liata a paw nôtho zy hnohna chata a zia ta.

23 Cha nota a ryhna a raopa Ahithôphel aryhna a raotuhpa zy cha Khazohpa bie pachâpa hawhta pachâpa châ tyh ta; cha hawhna hra chata Ahithôphel ta Davi nata Absalaw aryhna a raokheipa zydua cha pachâpa a châ tyh.