2 Thatihzy Rona 28

Studie

         |

1 Ahaza cha a bei tua nota kô synopa châ ta, Zerusale liata kô hrawhleicharu a bei ta. A mahpaw Davi hawhta ABEIPA mohmô liata hmo phapa tao leipa ta,

2 Izarel abeizy kyh tlao a chhih ta. Baal zy chata khazoh nohthlahpa leipa tao hra ta;

3 Benhinô Saikao liata rohpahâhpa zy rao ta, ABEIPA ta Izarel pathlazy hmiakô liata a papua hawpa phozy ta hmo pasichhih ngaitapa ama tao tyhpa hawhta a sawzy mei liata rao ta.

4 Chatawhcha su sâhpa liata zy, tlâh liata zy, tho hrohpa to ry liata zy atheih ta, rohpahâhpa zy rao tyh ta.

5 Chavâta ABEIPA a Khazohpa ta Suria beipa ku liata pie ta, adyuh ei ta, a chyhsa zy a hluhpi sei ta a chhi ei ta, Damaska lâ siekhei ei ta. Izarel beipa ku liata piepa châ hra ta, ano chata a hluhpi thie ta.

6 Remaliah sawchapawpa Pekah chata Zudah râh liata thy sy kha nata thy no, noh kha ta thie ta, ama zydua cha chyhsa riahphapa sai ama châ, ama mahpaw zy ABEIPA Khazohpa cha amâ heisaipa vâta a châ.

7 Ephrai chyhsa thatlôpa Zikri ta abeipa sawchapawpa Maasei nata o chhôh pawhrâhpa Azrika nata Elkanah abeipa a pazipa cha thi ta.

8 Izarel pathlazy chata ama unawhpa zy thy syno, chanô zy, ama sawchapawpa zy, ama sawchanônô zy sei ta a chhi ei ta; hraona hmo hluhpi la ei ta, hraona cha Samari lâ tlôkhei ei ta.

9 Chârasala cha liana chata ABEIPA hrohsopa y ta, a moh cha Ôbeda a cha; Samari lâ a vy awpa pheisai zy cha kei dy ta, ama hnohta, “ABEIPA nama mahpaw zy Khazohpa, Zudah zy chô liata a pathi-ia ta, nama ku liata a cha pie ei, châhrasala pathi-iapa ta nama thiena chata avâ kaw tlô haw ta.

10 Zudah nata Zerusale mozy cha seichanô nata seichapaw ta tao a chhuah eichi ta. Châhrasala nâmo taih chhao heta ABEIPA nama Khazohpa chô liata hmo nama parao hrapa châ vei ma?

11 Chavâta ei bie he a pyh ula, nama unawhpa zy sei ta nama patupa seizy he pakuasa heih teh u, ABEIPA pathi-iana ru ngaitapa cha nama chô liata a y,” tah ta.

12 Ephrai mo hyutuhpa thokha Zôhana sawchapawpa Azariah zy, Mesilemô sawchapawpa Berekia zy, Shaluma sawchapawpa Zehizikiah zy, Hadlai sawchapawpa Amasa zy chata adyuhna tawhta a vypa zy cha a duakhâh ei ta,

13 ama hnohta, “Seizy cha nama ngiakhei awpa châ vei, eima moleina nata eima paraona baichhapa ta ABEIPA chô liata hmoparaona maniah a tlôkheipa aw. Eima moleina cha ru ngaita tlôh ta, Izarel mozy chata pathi-iana ru ngaitapa a y,” tah ei ta.

14 Chatanachata pheisaih zy chata molaipa zy nata zawpi hmiakô liata seizy nata hraona sôhzy cha soh ei ta.

15 Chatawhcha âmo moh reipa sahlaozy cha vaw thyu ei ta, seizy a chhi ei ta, hraona hmo chata thluahruapa ta a ypa zy cha chysia pabu ei ta, pheiky zy pakysa ei ta, niepa nata dopa pie ei ta, sathaw zy thu ei ta; chieh leipa zydua cha alâ chô liata pakiasa ei ta, thiahra khih Zerikô lâta ama unawhpa zy lâta chhihtha ei ta. Âmo cha Samari lâta kua haw ei ta.

16 Cha nona chata Abei Ahaza chata Suria bei zy a bao awpa ta hruapa ta chyhsa tuah ta.

17 Edôma mo chata Zudah mo cha adyuh ei ta, sei ta ama vaw patu heihpa vâta.

18 Philistina mozy chhaota phai lâ khih zy nata Zudah chhôh zy adyuh ei ta, Beseme zy, Aizalô zy, Kederaw zy, Sôkô zy, a khichapeizy chhaota. Chatawhcha Timnah nata a khichapeizy, Kimzô chhao a khichapeizy chhaota la ei ta; chazy liana chata y ei ta.

19 Izarel beipa Ahaza vâna khata ABEIPA ta Zudah zy cha a panawh, Zudah zy chô liata nôchhie ngaitapa ta hmo tao ta, ABEIPA chô liata thata a molei.

20 Suria beipa Tikapinesa hnohta vawh ta, tha patlôna chata a nô tlao papo ta.

21 Ahaza chata ABEIPA o nata abei o nata molaipa o liatahpa hmozy la ta, Suria beipa pie ta, châhrasala phahnai tlôh leipa ta.

22 A nôpo ngaita no chhaota he abei Ahaza heta ABEIPA chô liata hmo parao via ngâ ta.

23 Ano adyuhtuhpa Damaska mo khazoh lâta atheih ta, “Suria beizy khazoh chata âmo a baopa vâta eina bao thei nawpa ta âmo lâta atheihna ei hlâ aw,” tah ta. Châhrasala ano nata Izarel mo zydua raona châ tlôh ta.

24 Ahaza chata Khazohpa o liata hmobaoh zy cha pakhy khai ta, Khazohpa o liata hmobaoh zy cha pakei khai ta, ABEIPA o liata ochhi zy cha khâchâ khaw ta; Zerusale ki to liata maisâh tao ta.

25 Zudah khih hluhpi liana chata khazoh hrohpa zy châta rohpahâhpa rao nawpa ta su sâhpa zy tao ta, ABEIPA a mahpaw zy Khazohpa pathi pa-ia ta.

26 A hmotaopa hropa zydua nata a yzie zydua a thaona tawhta a chhâna taihta. Zudah zy nata Izarel zy Abeizy Châbu liata ropa ta y ta.

27 Ahaza cha a mahpaw zy hnohta a mô ta, Zerusale khihpi liana chata pabu ei ta, Izarel beizy thlâ liana chata soh veih ei. Chatawhcha a sawchapawpa Hezekiah cha ano vyuhpa ta a bei haw ta.