1 Thatihzy Rona 24

Studie

  

1 Arawna sawchapawpazy py pachhaihna zie cha he hawhna he a châ. Arawna sawchapawpa zy cha Nada zy, Abihu zy, Eliaza zy, Ithama zy ama châ."

2 Nada nata Abihu deikua cha ama paw hlâta thi tua ei ta, saw hnei veih ei, chavâta Eliaza nata Ithama chata theihthaipa rai ama hria.

3 Davi ta Eliaza sawchapawpa Zadôka nata Ithama sawchapawpa Ahimele zy chhaota ama chakaona Zawhpa pachhaih ta,

4 Ithama pathlazy hlâta cha Eliaza pathla pawhrâhpa ta a châpa hluh via ei ta, he hawhna heta pachhaih ei ta, Eliaza pathla liatahpa chhôhkha pawhrâhpa pahrawhleicharu châ ei ta, Ithama pathla liatahpa chhôhkha pawhrâhpa pacharie ama châ.

5 Cha hawna chata pachaopa ta hmaohkha ta sie khohpa ta pachhaih ei ta, Eliaza pathla liatahpa nata Ithama pathla liatahpa zy hry liata supathaihpa liata hyutuhpa zy nata Khazohpa hyutuhpa zy y rairieh tlôh ei ta.

6 Livai chyhsa chârohtuhpa Nathanel sawchapawpa Shemaiah ta abei zy, hyutuhpa sahlao zy, theihthaipa Zadôka zy, Abiatha sawchapawpa Ahimele zy, theihthaipa sahlao nata Livai sahlao chhôhkha pawhrâhpa mohmô liana chata roh ta; chhôhkha pawhrâhpa pakha topa cha Eliaza chô liata tla ta, pakha cha Ithama chô liata tla ta.

7 Pachaopa ei khana cha Zehôiariba chô liata tla ta, ei nona cha Zedaiah chô liata,

8 ei thôhna cha Hari chô liata, ei palihna cha Seôri chô liata,

9 ei pangawhna cha Malkiza chô liata, ei charuna cha Mizami chô liata,

10 ei sarina cha Hakôza chô liata, ei chariena cha Abizah chô liata,

11 ei chakina cha Zesuah chô liata, ei hrawhna cha Shekamah chô liata,

12 ei hrawhleikhana cha Eliasiba chô liata, ei hrawhleinona cha Zaki chô liata,

13 ei hrawhleithôhna cha Hupa chô liata, ei hrawhleinalihna cha Zeshebia chô liata.

14 ei hrawhleipangawhna cha Bilka chô liata, ei hrawhleicharuna cha Lina chô liata,

15 ei hrawhleisarina cha Hezira chô liata, ei hrawhleichariena cha Hapize chô liata,

16 ei hrawhleichakina cha Pathahia chô liata, ei synona cha Zehekel chô liata,

17 ei syno nata ei khana cha Zakhina chô liata, ei syno nata ei nona cha Kamul chô liata,

18 ei syno nata ei thôhna cha Delaiah chô liata, ei syno nata palihna cha Maaziah chô liata,

19 Cha cha cha ABEIPA Izarelzy Khazohpa ta ama mahpaw Arawna bie a piepa, ABEIPA o chhôh liata ama chakaona zie awpa a raona zie cha a châ.

20 Livai pathla hropa zy hry liatahpa cha: Amra sawzy hry liana chata Shubael a châ; Shubael sawzy hry liata Zadeiah,

21 Rehabiah lâta cha: Rehabiah mozy hry liata pawhrâhpa Ishiah.

22 Izha mo hry liata Shelômô; Shelômô sawzy hry liata Zaha.

23 Hebraw sawzy cha: a uhthei chaipa Zeriah châ ta, a panona Amariah, a pathôhna Zahaziel, a papalihna Zekamia a châ.

24 Uziel sawzy hry liatahpa Mika: Mika sawzy hry liatahpa Shami a châ.

25 Mika unawhpa cha Isiah châ ta; Isiah sawzy hry liatahpa Zekariah.

26 Merari sawzy cha: Mahli nata Musi ama châ. Zaziah sawzy hry liatahpa: Benô a châ.

27 Merari pathlazy cha: Zazia liata Benô zy, Shôha zy, Zaku zy, Ibari zy ama châ.

28 Mahli liata: Eliaza cha ta, ano cha sawchapaw hnei vei.

29 Kisa liana chata Kisa sawchapawpa: Zeramel a châ.

30 Musi pathlazy cha; Mahli zy, Edera zy, Zerimô zy ama châ. Chazy cha Livai sahlao pathlazy hry liata ama chhôhkha pawhrâhpa zy cha ama châ.

31 Âmo chhao chata Arawna saw ama unawhpa zy hawh hra ta Abei Davi zy, Zadôka zy, Ahimele zy theihthaipa sahlao nata Livai sahlao chhôhkha pawhrâhpa zy mohmô liata pachao hra ei ta, chhôhkha pawhrâh chaipa nata ama unawhpa zy chhao hmaohkha ta tao ei ta.