12
εν ημερα μια εν παση τη βασιλεια αρταξερξου τη τρισκαιδεκατη του δωδεκατου μηνος ος εστιν αδαρ
12a
ων εστιν αντιγραφον της επιστολης τα υπογεγραμμενα
12b
βασιλευς μεγας αρταξερξης τοις απο της ινδικης εως της αιθιοπιας εκατον εικοσι επτα σατραπειαις χωρων αρχουσι και τοις τα ημετερα φρονουσι χαιρειν
12c
πολλοι τη πλειστη των ευεργετουντων χρηστοτητι πυκνοτερον τιμωμενοι μειζον εφρονησαν και ου μονον τους υποτεταγμενους ημιν ζητουσι κακοποιειν τον τε κορον ου δυναμενοι φερειν και τοις εαυτων ευεργεταις επιχειρουσι μηχανασθαι
12d
και την ευχαριστιαν ου μονον εκ των ανθρωπων ανταναιρουντες αλλα και τοις των απειραγαθων κομποις επαρθεντες του τα παντα κατοπτευοντος αει θεου μισοπονηρον υπολαμβανουσιν εκφευξεσθαι δικην
12e
πολλακις δε και πολλους των επ' εξουσιαις τεταγμενων των πιστευθεντων χειριζειν φιλων τα πραγματα παραμυθια μεταιτιους αιματων αθωων καταστησασα περιεβαλε συμφοραις ανηκεστοις
12f
τω της κακοηθειας ψευδει παραλογισμω παραλογισαμενων την των επικρατουντων ακεραιον ευγνωμοσυνην
12g
σκοπειν δε εξεστιν ου τοσουτον εκ των παλαιοτερων ων παρεδωκαμεν ιστοριων οσα εστιν παρα ποδας υμας εκζητουντας ανοσιως συντετελεσμενα τη των αναξια δυναστευοντων λοιμοτητι
12h
και προσεχειν εις τα μετα ταυτα εις το την βασιλειαν αταραχον τοις πασιν ανθρωποις μετ' ειρηνης παρεξομεθα
12i
χρωμενοι ταις μεταβολαις τα δε υπο την οψιν ερχομενα διακρινοντες αει μετ' επιεικεστερας απαντησεως
12k
ως γαρ αμαν αμαδαθου μακεδων ταις αληθειαις αλλοτριος του των περσων αιματος και πολυ διεστηκως της ημετερας χρηστοτητος επιξενωθεις ημιν
12l
ετυχεν ης εχομεν προς παν εθνος φιλανθρωπιας επι τοσουτον ωστε αναγορευεσθαι ημων πατερα και προσκυνουμενον υπο παντων το δευτερον του βασιλικου θρονου προσωπον διατελειν
12m
ουκ ενεγκας δε την υπερηφανιαν επετηδευσεν της αρχης στερησαι ημας και του πνευματος
12n
τον τε ημετερον σωτηρα και δια παντος ευεργετην μαρδοχαιον και την αμεμπτον της βασιλειας κοινωνον εσθηρ συν παντι τω τουτων εθνει πολυπλοκοις μεθοδων παραλογισμοις αιτησαμενος εις απωλειαν
12o
δια γαρ των τροπων τουτων ωηθη λαβων ημας ερημους την των περσων επικρατησιν εις τους μακεδονας μεταξαι
12p
ημεις δε τους υπο του τρισαλιτηριου παραδεδομενους εις αφανισμον ιουδαιους ευρισκομεν ου κακουργους οντας δικαιοτατοις δε πολιτευομενους νομοις
12q
οντας δε υιους του υψιστου μεγιστου ζωντος θεου του κατευθυνοντος ημιν τε και τοις προγονοις ημων την βασιλειαν εν τη καλλιστη διαθεσει
12r
καλως ουν ποιησετε μη προσχρησαμενοι τοις υπο αμαν αμαδαθου αποσταλεισι γραμμασιν δια το αυτον τον ταυτα εξεργασαμενον προς ταις σουσων πυλαις εσταυρωσθαι συν τη πανοικια την καταξιαν του τα παντα επικρατουντος θεου δια ταχους αποδοντος αυτω κρισιν
12s
το δε αντιγραφον της επιστολης ταυτης εκθεντες εν παντι τοπω μετα παρρησιας εαν τους ιουδαιους χρησθαι τοις εαυτων νομιμοις και συνεπισχυειν αυτοις οπως τους εν καιρω θλιψεως επιθεμενους αυτοις αμυνωνται τη τρισκαιδεκατη του δωδεκατου μηνος αδαρ τη αυτη ημερα
12t
ταυτην γαρ ο παντα δυναστευων θεος αντ' ολεθριας του εκλεκτου γενους εποιησεν αυτοις ευφροσυνην
12u
και υμεις ουν εν ταις επωνυμοις υμων εορταις επισημον ημεραν μετα πασης ευωχιας αγετε οπως και νυν και μετα ταυτα σωτηρια η ημιν και τοις ευνοουσιν περσαις τοις δε ημιν επιβουλευουσιν μνημοσυνον της απωλειας
12x
πασα δε πολις η χωρα το συνολον ητις κατα ταυτα μη ποιηση δορατι και πυρι καταναλωθησεται μετ' οργης ου μονον ανθρωποις αβατος αλλα και θηριοις και πετεινοις εις τον απαντα χρονον εχθιστος κατασταθησεται
