1
Ei thlahpa tao ta, ei nohzy a lei, ei tovyuh cha thlâ a châ."
2
Na pahneisaotuhpa zy ei kiapâh ta ama y, ama pathi-iana bie cha moh thlâh hana ta.
3
“Hy Khazohpa, ngâchhihpa châ na ta, ei bie a py teh. Ahy hmah ta ei biereipa nâ pyhkheipa y veih ei.
4
Pahno thaina ama palôh liata na nyu hawpa vâta; âmo lâ cha pasasa aw veih ei.
5
Anyuna hmôna awpa ta a viasa pazei ta, a saw mo zy chhao a chao aw.
6
“Chyhsa zy hryta chaei chamypa ta na tao ta, chyhsa pasichhih ngaitapa ei vaw châ haw.
7
Pachârôhna vâta ei mozy chhao zoh ta, ei pachiapa zydua chhao he nohpahlipa hawhta a châ haw.
8
Chyhsa ngâchhihpa zy chata he he noâh ama tah aw, mo siapa chyhsa zy chata ei chhi châna liata ama pathi a ia aw.
9
Chyhsa siapa chata a lâpi tyhpa khâchâ patu ta, ku pathaihpa cha a tha a tlô via rili aw.
10
Nama zydua ta vaw kua ula, a vy teh u, nama hryta chyhsa sopa rai hmô aw va na.
11
Ei noh zy khô haw ta, ei hmo chhuahpa zy a rao khai haw, ei plôh ta ei pchâ ngaita tyhpa zy cha.
12
Ei viasazy chata zâ cha nohchhô lâta pachâsa ei ta, ‘Khaihna chata zâ â hnia hana,’ tah ei ta.
13
Hnabeiseina hnei vana Sheol cha ei o hawhta a cha khiah cha, zohna ry ta ei mô awpa a châ.
14
Khaotlôh hnohta, ‘Ei pâ na châ,’ tahna ta, châkariepa hnohta, ‘Ei nô nata ei sietanô nama châ,’ ei tah khiah cha,
15
ei hnabeiseina cha khataih lâ a y aw? Ei hnabeiseina cha ahy a hmô aw?
16
Sheol pakah lâ a zu aw ma? Dohlei liata eima pahâ rairieh aw ma?” tah ta.
