Philemaw 1

¹ Pawla, Krista Zisu vâta atâhpa nata eima unawhpa Timawthy chata—

³ Khazohpa eima Paw nata Abeipa Zisu Krista tawhtapa ngiachhiena nata adyhna nama hnohta y mawh sy.

⁴ Abeipa Zisu lâta nata mopathaihpa zydua lâta kyhpachâna nata ngiapâna na hneipa cha vaw pahno tyhpata,

⁵ ei thlahchhânazy liana chata na moh khâ reipata ei Khazohpa lâta alynabie ei reih tyh.

⁶ nâ ngiapâlâhpa cha nâmo liata a ypa hmophapa to pahno pakina kyh liana chata Krista lâta a vaw phahnai thei nawpata. Unawh y, nâma zawhzi ta mopathaihpazy pathipalôh a vaw hra hawpa vâta na kyhpachâna liana chata thaphapata ei thlah a lôh ngaita tyh mâ tâh.

⁸ Cha vâna chata a ngiapa rakha cha tao awpata bie cha pie awpata Krista liata riahpha ngaita hra aw sala,

⁹ kyhpachâna vâta Pawla machâpa pi châ na ta, atahmâ Krista Zisu vâta atâhpa ei châ tarawpata, a haw ta tlao ei châ haw.

¹⁰ Ei saw Ônesima keihrai daina chôta ei sapa châna heta nâ lâta ei châ haw na.

¹¹ Ano cha eikhanona khata na châta phahnai leipata, atahmâ deikua cha nâ nata keima châta a phahnai haw.

¹² Ano tlai, ei pathipalôh tlai he nâ lâta ei vaw pakuasa haw heih.

¹³ Ano cha Thâtihpha vâta patâhpa ei châna liana heta nâma vyuhpata eina chakao thei nawpata ei hnohta paysa thlâh ha awpa ei khoh kaw;

¹⁴ châhrasala na ngiachhiena cha pangiachhiesa raruapa hawhta châ leipata, na reisai hawhta tlao a châ thei nawpata, na bie leipata khâpahmah tao khoh va na.

¹⁵ Buakha ta a châ chhaipa he chhâzaw ta ano cha na hnei palâhna a châ ngyu aw la,

¹⁶ châhrasala sei hawhta châ khao leipata, sei hlâta a pha viapa, unawh kho ngaitapa hawhna heta, kei châta kho ngaitapa châ pachaih ta, na châta chhochhi cha sapa lâta nata Abeipa lâna chata a châ pachaih aw dia.

¹⁷ Chatanachata na hrialâhpa ta eina pachâ chi khiahtala, keima hawhta ano he a vaw ly mah y.

¹⁸ Na chôta hmo khâpa rai paraopata tlyma, a châ bâh khiahtala tlyma keima a bâhpata rao mah y.

¹⁹ Kei Pawla ta keima ku tlaita ei roh hih, keima ta ei thôpa aw, kei liata nama tlai chhao nâ bâh hra zie cha ei cha chhopa la châ vei.

²⁰ Chatlyh, unawh y, nâma vâta Abeipa liana chata alyna na pahneisa la, Krista liana chata ei pathipalôh pahra mah y.

²¹ Ei reipa hlâta tha viapata hmahta na tao aw tahpa ei pahnopa vâta, cha ngâ na ta, nâ lâta ei roh hih.

²² Khâparai châsala cha deita tao leipata, tlôna awpa na vaw chhuahdypa hra mah y, thlahchhânazy vâta nâmo lâta piepa ei châ aw tahpa a pangiasa tlôh na ta.

²³ Epaphra, Krista Zisu vâta ei tâhlâhpa heta a châ naoh, 24 cha hawhna hra chata ei raihrialâhpa Maka zy, Aristaku zy, Dema zy, Luka zy chhaota ama châ naoh hra. 25 Eima Beipa Zisu Krista ngiachhiena na thlahpa hnohta y mawh sy.;