10672. ‘Tribus vicibus in anno videbitur omnis masculus tuus ad facies Domini Jehovae Dei Israelis’: quod significet continuam apparentiam et praesentiam Domini etiam in veris fidei, constat ab explicatione horum n. 9297.
Arcana Coelestia #1147
1147. ‘Et nati sunt illis filii’: quod significent derivata inde doctrinalia, constat a significatione ‘filiorum’ in sensu interno quod sint vera fidei, tum etiam falsa, proinde doctrinalia, per quae significantur tam vera quam falsa; nam doctrinalia Ecclesiarum talia sunt: quod ‘filii’ talia significent, videatur prius n. 264, 489, 491, 533.