9063. ‘Ad liberum ¹ mittet’ illum pro dente ejus': quod significet quod non servire amplius possit interno, constat ex significatione ‘ad liberum ² mittere’ quod sit dimittere e servitio, ita non amplius servire, ut supra n. 9061, et ex significatione ‘dentis’ quod sit sensuale, de qua nunc supra n. 9062. Quomodo cum his se habet, sciri potest ex illis quae de statu interni hominis cum externus laesus est, mox supra n. 9061 ostensa sunt; similiter se habet cum sensuali laeso, hoc enim est ultimum in naturali homine; quod etiam hoc regenerandum sit ut homo plene regeneratus sit, videatur n. 6844, 6845, 7645. Quod haec quae de oculo et de dente servi aut ancillae statuta sunt, arcana in se contineant quae nemo videre potest nisi per sensum internum, cuivis potest constare; quid enim absque arcana causa foret statuere quod servi dimitterentur liberi propter oculum aut propter dentem, et non propter alia membra ³ cum corrumperentur? sed arcana ⁴ illa causa patet cum scitur quid in spirituali sensu significatur per ‘oculum’ et per ‘dentem’; quod cum scitur, in lucem venit cur ita statutum sit.

脚注:

7646. ‘Et comedet residuum evasionis relictae vobis a grandine’: quod significet consumptionem omnium quae aliquid ex vero habent, constat ex significatione ‘comedere’ quod sit ¹ consumi; et a significatione ‘residui evasionis relictae a grandine’ quod ² sit verum non consumptum a priore falso, quod per ‘grandinem’ significatur; ³ quod ‘grando’ sit falsum, videatur n. 7553, 7574; falsa quae ‘grando’ significat sunt falsa in exteriore naturali, at falsa quae ‘locusta’ significat sunt falsa in extremis ejus; haec falsa sunt quae consumunt vera et bona communissima; nam exteriora sunt quoque communiora, et ⁴ externa sunt communissima; quando communia destructa sunt, particularia dissipantur, nam communia sunt quae continent, et particularia quae continentur.

脚注: