De Divina Providentia #1

Original

← Previous  - 
Go to section / 340
 -  Next →

1. SAPIENTIA ANGELICA DE DIVINA PROVIDENTIA

Quod Divina Providentia sit Regimen Divini Amoris et Divinae Sapientiae Domini

Ut intelligatur quid Divina Providentia, et quod sit Regimen Divini Amoris et Divinae Sapientiae Domini, interest ut sciantur quae de DIVINO AMORE ET DIVINA SAPIENTIA in Transactione de illis prius dicta et ostensa sunt, quae sunt sequentia. Quod in Domino Divinus Amor sit Divinae Sapientiae, ac Divina Sapientia Divini Amoris, 34-39. Quod Divinus Amor et Divina Sapientia non possint aliter quam esse et existere in aliis a se creatis, 47-51. Quod omnia Universi a Divino Amore et Divina Sapientia creata sint, 52, 53, 151-156. Quod omnia Universi sint Divini Amoris et Divinae Sapientiae recipientia, 55-60.1 Quod Dominus coram Angelis appareat ut Sol, et quod Calor inde procedens sit Amor, et Lux inde procedens sit Sapientia, 83-98, 296-301. Quod Divinus Amor et Divina Sapientia, quae procedunt a Domino, unum faciant, 99-102. Quod Dominus ab aeterno, qui2 est Jehovah, creaverit universum et omnia ejus a Se Ipso, et non a nihilo, 282-284, 290-295. Haec in Transactione, quae vocatur Sapientia3 Angelica de DIVINO AMORE ET DIVINA SAPIENTIA.

-----
Footnotes:

1 Prima editio: 54
2 Prima editio: qni
3 Prima editio: Sapientin

-----

(References: Divine Love and Wisdom 52-53, 83-88, 89-92, 93-98)


← Previous  - 
Go to section / 340
 -  Next →
Translate:
Share: